«Университет» Ижевск — «АГУ-Адыиф» Мыекъуапэ — 28:28 (17:13). «Адыиф»: Клименко — 1, Краснокутская, Кириллова, Колодяжная — 1, Мещерякова, А. Морозова — 4, Богданова — 9, Куцевалова — 1, Казиханова — 3. Дмитриева — 2, Краснова — 1, Кобл — 6, къэлэпчъэIутхэр: Баскакова, Скнарь, Кожубекова.

ЗэIукIэгъум текIоныгъэр къыщыдихын имурадэу «Университетыр» ешIэщтыгъ. Такъикъи 6 къызэнэм, 27:25-у Ижевскэ ыхьыщтыгъ. ТиешIэкIо IэпэIасэу Дарья Богдановам гъогогъуи 2 къэлапчъэм Iэгуаор дидзагъ – 27:27, такъикъи 4 къэнагъэр.

Ухъумэн Iофыгъохэм нахь агъэгумэкIыхэзэ командэхэр ешIэщтыгъэх. Уахътэр 59.30 хъу­гъэу Диана Казихановам хъагъэм Iэгуаор ридзагъ – 27:28. Университетыр псынкIэу ыпэкIэ къылъы­кIотагъ. НэгъэупIэпIэгъуи 10 къэ­нагъэу Виктория Вахрушевам «Адыифым» икъэлапчъэ Iэгуаор къыдидзагъ – 28:28. «Адыифыр» ыпэкIэ илъынэу игъо ифагъ. ЗэIукIэгъур зыщаухыщтым Виктория Мещеряковар «Университетым» икъэлапчъэ блэугъ.

«Адыифым» Уфа ыкIи Ижевскэ ешIэгъуитIу ащыриIагъ, очкоуи 3 къыхьыгъэу Мыекъуапэ къегъэзэжьы.Чъэпыогъум и 3-м «Адыифыр» «Ставрополье» Ставрополь тикъалэ щыIукIэщт.

Зэтэгъапшэх

Суперлигэм хэт гандбол командэхэу купэу «Б»-м щешIэхэрэр чIыпIэу зыдэщытхэр. 1. «Динамо» — 8 2. «Ставрополье» — 4 3. «Адыиф» — 3 4. «Университет» — 3 5. «Луч» — 2 6. «Уфа» — 0. «Адыифым» ухъумэн Iофы­гъохэр нахь дэгъоу ыгъэцакIэхэ зыхъукIэ, текIоныгъэр нахьыбэрэ къыхьыщт.