«Уфа-Алиса» Уфа — «АГУ-Адыиф» Мыекъуапэ — 26:29 (12:13). Iоныгъом и 19-м Уфа щызэIукIагъэх.

«Адыиф»:Клименко — 3, Краснокутская, Кириллова, Колодяжная, Мещерякова, А. Морозова — 4, Богданов — 8, Куцевалова — 5, Казиханова — 2, Дмитриева, Краснова — 4, Кобл — 3, Баскакова.

2021 – 2022-рэ илъэс зэнэкъокъум «Адыифым» иятIонэрэ ешIэгъу къалэу Уфа щыкIуагъ. Адыгеим игандбол клуб текIоныгъэм нахь пэблэгъагъ. ЗэIукIэ­гъур аухынымкIэ такъикъищ фэдиз къызэнэм, пчъагъэр 23:29-у щытыгъ. «Уфа-Алисэм» заулэрэ тикомандэ икъэлапчъэ Iэгуаор къыди­дзэнэу игъо ифагъэми, текIоныгъэр «Адыифым» къызэрихьыщтым щэч хэлъыгъэп.

Зэтэгъапшэх

Хэгъэгум гандболымкIэ изэнэкъокъу хэлэжьэрэ командэхэу суперлигэм икупэу «Б»-м хэтхэр чIыпIэу зыдэщытхэр, очко пчъа- гъэу яIэр зэтэгъапшэх.

1. «Динамо» — 8 2. «Ставрополье» — 4 3. «Адыиф» — 2 4. «Университет» — 2 5. «Луч» — 2 6. «Уфа» — 0.

ШъунаIэ тешъудз: командэхэм ешIэгъу пчъа­гъэу яIагъэр зэфэдизэп.

Iоныгъом и 21-м «Адыифыр» «Университетым» Ижевскэ щыIукIэщт. «Адыифым» итренер шъхьаIэу, Урысыем изаслуженнэ тренерэу Александр Реввэ къытиIуагъ Уфа икомандэ типшъашъэхэр дэгъоу зэрэдешIагъэхэр. Д. Богдановар ешIэкIо анахь дэгъоу зэхэщакIохэм зэIукIэгъум къыщыхахыгъ.