Адыгэ Республикэм и Къэралыгъо Камернэ музыкальнэ театрэу Хьанэхъу Адам ыцIэ зыхьырэм 2021 – 2022-рэ илъэс IофшIэгъур Iоныгъом и 15-м регъажьэ.

Италием щыщхэм пчыхьэшъхьашхэм хьакIэхэр зэрэрагъэблэгъагъэхэм опереттэр фэгъэхьыгъ.

Зиусхьанэу Шуфлери ыпхъоу Эрнестинэ пае зэхахьэр зэхещэ. Псэлъыхъо дэгъу къыфигъоты шIоигъу. Ары шъхьаем, пшъашъэм музыкант тхьамыкIэу Бонифасэ шIу елъэгъу.

Зиусхьаным Италием иопернэ орэдыIохэр пчыхьэзэхахьэм хигъэлажьэхэ шIоигъу, ау зэрэфаем фэдэу Iофхэр зэпыфэхэрэп…

— Режиссерэу Виктор Серебрянскэм опереттэр ыгъэуцугъ, дирижерыр Аркадий Хуснияров, — къы­тиIуагъ Камернэ музыкальнэ театрэм ихудожественнэ пащэу, Урысыем, Адыгеим искусствэхэмкIэ язаслуженнэ IофышIэшхоу, искусствоведениемкIэ кандидатэу Сулейманов Юныс. — ИлъэсыкIэ IофшIэгъум урысыбзэкIи, адыгабзэкIи музыкальнэ къэшIынхэр къэдгъэлъэ­гъощтых. Театрэр зы­шIогъэшIэгъонхэр тиIоф­шIагъэхэм яплъынхэу къе­тэгъэблагъэх.

ШъунаIэ тешъудз: билетхэм е нэмыкI Iофыгъохэм афэгъэхьыгъэ упчIэхэр зиIэхэр мыщ фэдэ телефонхэмкIэ теонхэ алъэкIыщт: 52-09-22; 8-988-479-41-71.