Урысыер – Мальта – 2:0. Iоныгъом и 7-м Москва щызэдешIагъэх.

Къэлапчъэм Iэгуаор дэзыдзагъэхэр: Федор Смолов – 10, Зелимхан Бакаев – 84, пенальтикIэ.

Хэгъэгум футболымкIэ ихэшыпыкIыгъэ командэ итренер шъхьа­Iэу Валерий Карпиным ешIакIоу зэблихъугъэр макIэп. Пшъыгъэхэр, шъобж зытещагъэхэр тиешIакIохэм ахэтыгъэхэу В. Карпиным къы­Iуагъ. Ф. Смоловыр командэм икапитаныгъ. ЗэIукIэгъум иятIонэрэ такъикъ 45-м Мальтэ нахь дэгъоу ешIагъ. Ащ фэшI тагъэгумэкIызэ текIоныгъэм икъыдэхын тиешIакIохэр фэбэнагъэх.

Купым зэрэщешIагъэхэр

Хорватиер – Словениер – 3:0, Словакиер – Кипр – 2:0.

ЧIыпIэхэм шъузэпяплъ

Командэхэм ешIэгъу хырых яIагъ.

1. Хорватиер – 13 2. Урысыер – 13 3. Словакиер – 9 4. Словениер – 7 5. Мальта – 4 6. Кипр – 4.

Урысыем ихэшыпыкIыгъэ командэ ешIэгъу къинхэр иIэщтых. Хорватием, Словакием, Словением аIукIэщт. Купым апэрэ чIыпIэр къыщыдихымэ дунаим икIэух зэнэкъокъоу Катар щыкIощтым хэлэжьэнэу фитыныгъэ иIэ хъущт.

ЯтIонэрэ чIыпIэр зыхьырэр икIэрыкIэу пэшIорыгъэшъ ешIэгъу­хэм ахэлэжьэн, чIыпIэ хэхыгъэ къыдихын фае.