Урысые Федерацием кушъхьэфэчъэ спортымкIэ изэнэкъокъу Адыгэ Республикэм щыкIуагъ.

Илъэс 19 — 22-рэ зыныбжь бзылъфыгъэхэр шъхьэзэкъо зэIукIэгъухэм ахэлэжьагъэх. Километрэ 80-р анахь псынкIэу къэзыкIущтыр язэрэмыгъашIэу ныбжьыкIэхэр зэнэкъокъугъэх.

Адыгэ Республикэм кушъхьэфэчъэ спортымкIэ иеджапIэ зыщызыгъэсэрэ Елизавета Арчибасовам зэIукIэгъухэм ящэнэрэ чIыпIэр къащыдихыгъ. Республикэм ихэшыпыкIыгъэ бзылъфыгъэ командэ итренер шъхьаIэр Адыгеим изаслуженнэ тренерэу Алексей Войновыр ары.

Иркутскэ хэкум щыщэу Дарья Бунеевам апэрэ чIыпIэр фагъэшъошагъ.

Сурэтым итыр: Елизавета Арчибасовар.