ПэшIорыгъэшъ ешIэгъухэр
Урысыем футболымкIэ ихэшыпыкIыгъэ командэ дунаим изэнэкъокъу хэлажьэ. ПэшIорыгъэшъ ешIэгъухэр мы мафэхэм иIэщтых.
2022-рэ илъэсым кIэух зэIукIэгъухэу Катарэ щыкIощтхэм ащешIэным фэшI купэу зыхэтым текIоныгъэр тикомандэ къыщыдихын фае.
ЗэIукIэгъухэр
Iоныгъо мазэм Урысыем ихэшыпыкIыгъэ командэ ешIэгъуи 3 иIэщт.
1.09
Урысыер — Хорватиер
4.09
Кипр — Урысыер
7.09
Урысыер — Мальта.
ЧIыпIэхэр
Командэ пэпчъ ешIэгъуи 3 иIагъ.
1. Хорватиер — 6
2. Урысыер — 6
3. Словакиер — 5
4. Кипр — 4
5. Словениер — 3
6. Мальта — 1.
Тихэгъэгу футболымкIэ ихэшыпыкIыгъэ командэ итренер шъхьаIэу Валерий Карпиным къыIуагъ Iоныгъом и 1-м ешIэ-
гъоу Москва щыкIощтым мэхьэнэ ин зэриIэр. Урысыем текIоныгъэр къыдимыхы хъущтэп.
Лука Модрич хэлэжьэщтэп
«Реал» Мадрид иешIакIоу, Хорватием ихэшыпыкIыгъэ командэ хэтэу Лука Модрич дунаим щыцIэрыIу. ЗэлъашIэрэ футбол ешIакIом шъобж къызэрэтыращагъэм къыхэкIэу медицинэм иIофышIэхэр къеIазэх. Л. Модрич Урысыем ихэшыпыкIыгъэ командэ дешIэн ылъэкIыщтэп. Iоныгъом и 7-м ехъулIэу ипсауныгъэ зыпкъ иуцожьыщтэу мэгугъэ.