ЯтIонэрэ купым хэт футбол командэхэм шы­шъхьэIум и 29 — 30-м я 6-рэ ешIэгъухэр яIагъэх.

ЗэIукIэгъухэр «Спартак» — «Легион» — 1:1, «Динамо» Мх — «Ротор-2» — 2:0, «Кубань-Холдинг» — СКА – 1:2, «Чайка» — «Биолог» — 2:1, «Форте» — «ТIуапсэ» — 3:0, «Зэкъошныгъ» — «Черноморец» — 0:1, «Анжи» — «Ессентуки» — 5:0, «Алания-2» — «Динамо» Ст — 3:0.

— «Зэкъошныгъэм» зэIукIэгъур къыхьын ымылъэкIыгъэми, иешIакIэ зэрэхигъахъорэм те-гъэ­гушIо, — къытиIуагъ клубым ипащэу Аулъэ Рэщыдэ. — «Черноморец» ятIонэрэ купым хэт командэ анахь лъэшхэм ащыщ.

ТиухъумакIохэр ешIапIэм ­иджа­бгъу лъэныкъо щыхэукъуагъэх, Новороссийскэ иешIакIохэм пхъашэу апэуцугъэхэп. Ар «Черноморец» хэтэу Антоновым ыгъэфеди, лъэшэу зэогъэ Iэгуаор тикъэлапчъэ къыдидзагъ.

Ащ ыуж зэIукIэгъур зыхьыщтыр язэрэмыгъашIэу командэхэр зэнэкъокъугъэх. ЗэIукIэгъу уахътэр аухыгъэу судьям къафыхигъэхъогъэ я 4-рэ такъикъыр кIощтыгъ. ТиешIакIоу Датхъужъ Адамэ гупчэм итэу Iэгуаор чы­жьэу ыпэкIэ ытыгъ. «Черноморец» иухъумакIохэм ащыщ Iэ­гуаом шъхьэкIэ зеом, икъэлапчъэ дидзэнымкIэ щынагъо щы-Iагъ. Къэлэпчъэпкъым сантиметрэ заулэкIэ Iэгуаор пэчыжьэу быбыгъэ, хъагъэм ифагъэп. Пчъа­гъэр 1:1 зэрэмыхъугъэр тигу-къаоу ешIэгъур аухыгъ.

«Зэкъошныгъэм» щапIугъэхэ Iэщэ Анзор, Хьагъур Руслъан «Черноморцэм» мыгъэ хэтых, ешIэгъум хэлэжьагъэх.

ЧIыпIэу зыдэщытхэр

1. «Анжи» — 15 2. СКА — 13 3. «Форте» — 13 4. «Чайка» — 13 5. «Динамо» Мх – 11 6. «Мэщыкъу» — 11 7. «Легион» — 9 8. «Биолог» — 7 9. «ТIуапсэ» — 7 10. «Черноморец» — 7 11. «Спартак» — 6 12. «Динамо» Ст — 5 13. «Ротор-2» — 4 14. «Алания-2» — 4 15. «Зэкъошныгъ» — 3 16. «Кубань-Холдинг» — 2 17. «Ессентуки» — 0.

Я 7-рэ зэнэкъокъухэр

04.09, мэфэку «Ессентуки» — «Зэкъошныгъ» «ТIуапсэ» — «Динамо» Мх «Биолог» — «Анжи» СКА — Форте «Динамо» Ст — «Кубань- Холдинг» «Легион» — «Чайка» «Мэщыкъу» — «Спартак» «Черноморец» — «Алания-2».

ЕшIэгъухэм шъуалъыплъ, зэ­жъу­гъапшэх. ЗэIукIэгъур аухыфэ убэнэн зэрэфаер «Зэкъошны­гъэм» къегъэлъагъо. ИешIакIэ шIэ­хэу хигъэхъощтэу тегъэгугъэ.