Апшъэрэ купым хэт футбол командэхэм я 6-рэ ешIэгъухэр шышъхьэIум и 26 — 27-м яIагъэх.

Зэфэхьысыжьхэр

«Уфа» — «Крылья Советов» — 1:2, «Спартак» — «Шъачэ» — 1:2, «Ахмат» — «Арсенал» — 2:1, «Зенит» — ЦСКА — 1:0, «Урал» — «Ростов» — 1:1, «Химки» — «Нижний Новгород» — 1:1, «Динамо» — «Локомотив» — 1:1, «Красно- дар» — «Рубин» — 2:0.

«Зенит» ЦСКА-м текIуи, апэрэ чIыпIэм уцужьыгъ. С. Азмун я 82-рэ такъикъым ухъумакIохэм аIэкIэкIи, хъагъэм Iэгуаор ридзагъ.

Ф. Смоловым зэIукIэгъу пэпчъ къэлап­чъэм Iэгуаор щыдидзэу ригъэжьагъ. «Локомотив» «Динамэм» зыIокIэм Федор Смоловыр лъэшэу зэогъэ Iэгуаор ухъумакIохэм апхырыкIи, къэлапчъэм ихъагъэ щычэрэ­гъугъ.

Мыгъэ «Краснодар» аштэгъэ Д. Кордобэ Ф. Смоловым фэдэу къэлапчъэм Iэгуаор бэрэ дедзэ. «Краснодар» «Рубин» Казань зыIокIэм, я 12-рэ ыкIи я 35-рэ такъикъхэм А. Ионовымрэ Д. Кордобэрэ «Рубин» икъэ­лапчъэ Iэгуаор дадзагъ.

«Спартак» дышъэм фэбанэзэ, тренер шъхьаIэхэр бэрэ зэблехъух, ау имурад къы­дэхъурэп. «Спартак» «Шъачэ» зыдешIэм, Зобниным я 60-рэ такъикъым къэлапчъэм Iэгуаор дидзагъ. «Шъачэ» иешIакIохэу Барсовымрэ Юсуповымрэ я 66-рэ ыкIи я 72-рэ такъикъхэм «Спартак» икъэлапчъэ Iэгуаор дадзагъ. Адыгэхэм ятарихъ къалэу Шъачэ икомандэ апэ итхэм нахь пытэу ахэуцо, «Спартак» я 10-рэ чIыпIэм нэс зэкIэкIуагъ.

«Нижний Новгород» ыкIи «Крылья Советов» Самара мыгъэ апшъэрэ купым къы­хэхьагъэх, ауж къинэхэрэм ахэтыхэп.

Зэтэгъапшэх

Командэхэм ешIэгъу хырых яIагъ, чIыпIэхэр зэтэгъапшэх.

1. «Зенит» — 14 2. «Динамо» — 13 3. «Шъачэ» — 12 4. «Локомотив» — 12 5. «Рубин» — 11 6. «Краснодар» — 9 7. ЦСКА — 9 8. «Ахмат» — 9 9. «Нижний Новгород» — 8 10. «Спартак» — 7 11. «Крылья Советов» — 7 12. «Химки» — 6 13. «Ростов» — 5 14. «Уфа» — 5 15. «Арсенал» — 4 16. «Урал» — 2.

Я 7-рэ ешIэгъухэр

12.09 «Спартак» — «Химки» «Арсенал» — ЦСКА «Локомотив» — «Крылья Советов» «Ростов» — «Краснодар» «Рубин» — «Урал» «Зенит» — «Ахмат» «Динамо» — «Нижний Новгород» «Шъачэ» — «Уфа» . ШъунаIэ тешъудз: Урысыем футбо-лымкIэ ихэшыпыкIыгъэ командэ Iоныгъом и 1 — 7-м дунаим изэнэкъокъу фэгъэхьыгъэ пэшIорыгъэшъ зэIукIэгъухэм ахэлэжьэщт.