Адыгеир Iофтхьабзэм хэлэжьэщт
ШышъхьэIум и 27-м Урысыем щыкIощт Iофтхьабзэу «Ночь кино» зыфиIорэм Адыгеир хэлэжьэщт.
Ащ хахьэу мы мафэм сыхьатыр 17-м къыщегъэжьагъэу ыпкIэ хэмылъэу фильмэ заулэ къагъэлъэгъощт. ГущыIэм пае, Мыекъуапэ культурэм и Унэу «Гигантым» Нэгъэплъэ Аскэрбый идокументальнэ фильмэу «Подвиг милосердия» ыкIи «Черкешенка» зыфиIохэрэр къыщагъэлъэгъощтых.
— Фильмэр рамыгъажьэзэ ащ хэлэжьагъэхэм цIыфхэр адэгущыIэнхэ алъэкIыщт. Iофтхьабзэм къырагъэблэгъагъэх театрэм ыкIи кином яактерэу, режиссерэу ыкIи сценаристэу Бэгъ Саидрэ АР-м и Лъэпкъ театрэ ипэщэ IэнатIэ зыгъэцэкIэрэ Хьакъуй Аслъанрэ, — къытыгъ АР-м культурэмкIэ и Министерствэ.
Фаехэр зэкIэ ыпкIэ хэмылъэу фильмэхэм яплъынхэ алъэкIыщт. КъэIогъэн фае цIыфхэм санитарнэ шапхъэхэр агъэцэкIэнхэ зэрэфаер, залым чIэсхэм япчъагъэ ащ чIэфэщтым ипроцент 50-м шIокIы хъущтэп.
Адыгеим щыкIощт Iофтхьабзэм икIэщакIох АР-м культурэмкIэ и Министерствэ, УФ-м икинематографистхэм я Союзэу Адыгеим щыIэр ыкIи мыекъопэ къэлэ администрацием культурэмкIэ и ГъэIорышIапIэ.