Апшъэрэ купым хэт футбол командэхэу 2021 — 2022-рэ илъэс зэнэкъокъум хэлажьэхэрэм я 5-рэ ешIэгъухэр шышъхьэIум и 21 — 22-м яIагъэх.

КIэуххэр

«Арсенал» — «Спартак» — 1:1, ЦСКА — «Ахмат» — 2:0, «Уфа» — «Зенит» — 1:1, «Урал» — «Динамо» — 0:1, «Крылья Советов» — «Шъачэ» — 1:0, «Локомотив» — «Краснодар» — 2:1, «Нижний Новгород» — «Ростов» — 1:2, «Химки» — «Рубин» — 1:1.

«Спартак» мурад инхэр иIэх, ау жъажъэу ыпэкIэ лъэкIуатэ. «Зенит» Европэм икомандэ лъэш­хэм ащыщ хъуным фэбанэ шъхьаем, игъэхъагъэхэм уагъэ­рэхьатырэп. «Рубин», «Локомотив», ЦСКА, «Шъачэ», «Краснодар», нэмыкIхэм талъэплъэ, ау бэкIэ тагъэгугъэрэп. «Динамэр» апэ ишъыгъэми, лъэшэу ущыт­хъуным пэчыжь.

«Локомотив» 2:0-у «Краснодар» текIощтыгъ. Къэлапчъэм гъогогъуитIо Iэгуаор дэзыдзагъэр нахьыпэкIэ «Краснодар» хэтыгъэ Федор Смоловыр ары. Урысыем ихэшыпыкIыгъэ командэ Ф. Смоловыр аштагъ. Iоны­гъом и 1-м Хорватием зыдешIэкIэ тигъэгушIонэу фэтэIо.

Константин Тюкавиным, ар «Динамэм» хэт, Ф. Смоловым, нэмыкI ешIакIохэм талъэплъэ. КъэлэпчъэIутхэм, ухъумакIохэм хэ­та къахэтхыщтыр? Тренер шъхьа­Iэу Валерий Карпиным къызэриIуагъэу, егупшысэнэу уахътэ иI.

Юрий Семиныр «Ростов» итренер шъхьаIэу Iоф ышIэзэ, апэрэ текIоныгъэр къыдихыгъ. «Урал» мыгъэ ешIэгъуи 5 иIагъ, къэлапчъэм Iэгуаор зэ ныIэп зэрэдидзагъэр. Зэгъэпшэнхэр тшIыхэзэ, «Краснодар», «Спартак», ЦСКА-м, нэмыкIхэм яешIа­кIэ зэблахъун зэрамылъэкIырэр тэгъэшIагъо. ЫпэкIэ дэгъоу ще­шIэн зылъэкIынэу «Спартак» хэтыр бэ, ау командэм гъогогъуи 4 ныIэп Iэгуаор къэлапчъэм зэрэдидзагъэр.

Хэт тыдэ щыIа?

1. «Динамо» — 12 2. «Зенит» — 11 3. «Локомотив» — 11 4. «Рубин» — 11 5. «Шъачэ» — 9 6. ЦСКА — 9 7. «Нижний Новгород» — 7 8. «Спартак» — 7 9. «Краснодар» — 6 10. «Ахмат» — 6 11. «Уфа» — 5 12. «Химки» — 5 13. «Арсенал» — 4 14. «Ростов» — 4 15. «Крылья Советов» — 4 16. «Урал» — 1.

Я 6-рэ ешIэгъухэр

26.08, мэфэку «Уфа» — «Крылья Советов» «Спартак» — «Шъачэ» «Ахмат» — «Арсенал» «Зенит» — ЦСКА 27.08, бэрэскэшху «Урал» — «Ростов» «Химки» — «Нижний Новгород» «Динамо» — «Локомотив» «Краснодар» — «Рубин».