«Зэкъошныгъэр» 2021-рэ илъэсым
Адыгэ Республикэм ифутбол командэу «Зэкъошныгъэр» Урысыем изэнэкъокъоу ятIонэрэ купым щыкIорэм хэлажьэ.
Тигъэзет джырэблагъэ къызэрэхиутыгъэу, мыгъэ «Зэкъошныгъэм» зэхъокIыныгъэу фэхъугъэр макIэп. ШакIо Ащэмэз тренер шъхьаIэу агъэнэфагъ. НахьыпэкIэ «Спартак» Налщык итренер шъхьаIэу ар щытыгъ. ЕшIэкIо ныбжьыкIэхэр «Зэкъошныгъэм» аштагъэх. Командэм инеущырэ мафэ къырыкIощтыр ахэм ялъытыгъ. Тикомандэ гъэхъагъэ ышIынэу фэтэIо.
ШышъхьэIум и 15-м «Зэкъошныгъэр» СКА Ростов-на-Дону Мыекъуапэ щыIукIэщт.