2021-рэ илъэсым шышъхьэIум и 10-м къыще­гъэжьагъэу и 14-м нэс кушъхьэфэчъэ спор­тымкIэ бзылъфыгъэхэм я Урысые чемпионат ыкIи ныбжьыкIэхэм я Урысые зэнэкъокъухэр Адыгеим щыкIощтых.

Зэнэкъокъухэр купхэм якъызэдэчъэнкIэ шышъхьэIум и 10-м рагъэжьэщтых. КъакIун фэе гъо­гум икIыхьагъэ километри 102-рэ мэхъу. Къутырэу Тамбовскэм культурэм и Унэу дэтым дэжь спортсменкэхэм щырагъэжьэнышъ, селоу Сергиевскэм нэс къыщызэдэчъэщтых. ЗэкIэмкIи ащ фэдэ гъогуи 5 къакIущт.

ШышъхьэIум и 11-м купхэм якъызэдэчъэн лъагъэкIотэщт, километри 115-рэ зикIыхьэгъэ гъогур апэ илъыщт. Республикэм икъэлэ шъхьаIэ иурамэу Степноим (велотрекым) зэнэ­къокъур щаублэщт, нэужым автомобиль гъогоу «Мые­къуапэ — ТIуапсэ» зыфиIорэм техьащтых, километрэ 27-рэ къыза­кIурэм, къагъэзэжьынышъ, зыщырагъэжьагъэм щау­хыжьыщт.

ШышъхьэIум и 12 — 13-м куп­хэм якъызэдэчъэн селоу Сер­гиевскэм щаухыщт.

ШышъхьэIум и 14-м медаль къыдихыным спортсменкэ пэпчъ ежь ышъхьэкIэ фэбэнэщт. Гъогоу зытехьащтхэм икIыхьагъэ километрэ 13 мэхъу.