«Гупшысэ лъэмыджыр илъагъу» — джары цIэу иIэр адыгэ бзылъ­фыгъэ усакIоу, драматургэу, Адыгэ Республикэм искус­ствэхэмкIэ иIофышIэшхоу Хъунэго Саидэ ыныбжь илъэс 60 зэрэхъугъэм фэгъэхьыгъэ тхылъ къэгъэлъэгъоным.

Адыгэ тхакIохэр, усакIохэр икъоу ныбжьыкIэхэм, тхылъеджэхэм зэлъягъэшIэгъэн мурадыр ащ къыделъытэ. КраеведениемкIэ ыкIи лъэпкъ литературэмкIэ отделым ифонд зыфэдэр цIыфхэм арагъашIэу, мэфэкI къэгъэлъэгъоныбэр ренэу зэхащэ.

Хъунэго Саидэ 1985-рэ илъэсым къы­ще­гъэжьагъэу ытхыхэрэр къыхеутых. Илъэс 30-м къехъугъэу творчествэр елэжьы: «Осэ­псыц», «Пшъэхъухэр», «Мэкъэ шъхьа­фит», «ХэшыпыкIыгъэ тхыгъэхэр», нэмыкI­хэри къыдигъэкIыгъэх.

Саидэ поэзиемкIэ, прозэмкIэ, драма­тургиемкIэ гъэзагъэу Iоф ешIэ, ипьесэхэм ащыщхэр АР-м и Лъэпкъ театрэ щагъэуцугъэх, ар художественнэ фильмэ кIэкIхэм ясце­нариехэм яавтор, ахэр цIыфхэм агу рехьых. Мы экспозициер адыгэ литературэр зикIа­сэхэу, ащ лъыплъэхэрэм ашIогъэшIэгъоныщт, ныбжьыкIэхэми къахэкIыщтых адыгэ бзылъфыгъэм итворчествэ нахь куоу зэзыгъашIэмэ зышIоигъохэр. Къэгъэлъэгъоным авторым ипроизведениехэм, итхылъхэм ямы­закъоу, ащ итворчествэкIэ къыраIо­ты­кIырэ гупшысэхэр зэрыт статьяхэр, тхылъхэр хэлъых, ахэр зэкIэ ушэтын-зэ­гъэшIэн-зэ­­хэфынхэр зышIыхэрэмкIэ IэпыIэгъушхох. Щэч хэлъэп, тхылъеджапIэм Iофышхо елэжьы. (Тикорр.).