Европэм футболымкIэ изэнэкъокъу аухыгъ.

КIэух зэIукIэгъум Англиемрэ Италиемрэ щызэдешIагъэх. ЗэIукIэгъу уахътэр ыкIи такъикъ 30-у къафыхагъэхъуагъэр 1:1-у аухыгъ. ПенальтикIэ 3:2-у Италием текIоныгъэр къыдихыгъ.

Италием ихэшыпыкIыгъэ футбол командэ итренер шъхьаIэу Р. Манчини, ешIакIохэми тафэгушIо.

Европэм футболымкIэ изэ­нэ­къокъу хэгъэгу 11-мэ ащыкIуагъ. Командэхэм ешIэкIэ дахэ къагъэ­лъэгъуагъэу тэлъытэ.

Урысыем ихэшыпыкIыгъэ коман­дэ купэу зыхэтыгъэм аужырэ чIыпIэр къыщыдихыгъ. Тренер шъхьаIэу Станислав Черчесовыр иIэнатIэ IукIыжьыгъ.