Ристэ Аминэ игухэлъхэр
Адыгэ Республикэм испорт еджапIэу N 2-м тхэквондомкIэ зыщызыгъэсэрэ Ристэ Аминэ Урысыем ихэшыпыкIыгъэ командэ аштагъ.
ЕджапIэм ипащэу, Урысыем, Адыгеим язаслуженнэ тренерэу Хъот Юныс тыщигъэгъозагъ егъэджэн-зыгъэсэн зэIукIэгъухэр къалэу Рязань зэрэщыкIохэрэм.
Тренерэу Олег Тыщенкэм ыгъэсэрэ Ристэ Аминэ Урысыем ихэшыпыкIыгъэ командэ хэтэу Европэм ыкIи дунаим язэIукIэгъухэм зафегъэхьазыры.
Спорт лъэпкъэу тхэквондор Ристэ Аминэ ыгу рехьы, зэнэкъокъухэм ахэлажьэзэ иIэпэIэсэныгъэ хегъахъо, медальхэр къыдихыхэ шIоигъу.