Урысыем гандболымкIэ ихэшыпыкIыгъэ бзылъ­фыгъэ командэ Олимпиадэ джэгунхэу Токио щыкIощтхэм ахэлэжьэщт.

Тренерхэм яштаб ешIэкIо 17-мэ ацIэ къыриIуагъ.

КъэлэпчъэIутхэр:

Виктория Калинина — «Ростов-Дон», Анастасия Лагина — «Лада», Анна Седойкина — ЦСКА.

ЕшIакIохэр:

Полина Горшкова, Антонина Скоробогатченко, Елена Михайличенко, Дарья Дмитриева, Екатерина Ильина — зэкIэри ЦСКА.

Полина Кузнецова, Юлия Манагарова, Ксения Макеева, Анна Сень, Анна Вяхирева, Владлена Бобровникова — зэ­кIэри «Ростов-Дон». Дарья Самохина — «Астраханочка», Ольга Фомина — «Лада».

Тренерхэм яштаб:

Алексей Алексеев — тренер шъхьаI, тренерхэр: Ольга Акопян, Томаш Главаты, Людмила Бодниева.

Олимпиадэ къуаджэм ешIэкIо 15 щыпсэущт. ЕшIэгъу пэпчъ хэ­лэжьэщтхэр тренерхэм къыхахыщтых, ешIэкIо 14 къыхагъэщыщт.

Мыекъуапэ щыщ

Урысыем спортымкIэ изаслуженнэ мастерэу, къэлэпчъэIутэу Виктория Калининар Мыекъуапэ щыщ, иапэрэ тренерыр Урысыем изаслуженнэ тренерэу Евгений Попов.

Мыекъуапэ испорт еджапIэу Джэнчэтэ СултIан ыцIэ зыхьырэм щагъэсэгъэ Виктория Калининар къэлэпчъэIут анахь дэгъоу дунаим щалъытэхэрэм ащыщ.

Урысыем ихэшыпыкIыгъэ гандбол командэ 2016-рэ илъэсым Олимпиадэ джэгунхэм дышъэ медальхэр къащыдихыгъ. А лъэ­хъаным тикомандэ Евгений Тре­филовыр тренер шъхьаIэу иIагъ. Ар Мыекъопэ «АГУ-Адыифым» итренерэу зэрэщытыгъэри тигуа­пэу къыхэтэгъэщы.

Токио щыкIощт зэIукIэгъухэм тихэшыпыкIыгъэ командэ апэрэ чIыпIэр къащыдихыным фэбэ-нэщт. Тигандбол ешIакIохэм ямурадхэр къадэхъунхэу афэтэIо.