Республикэм испорт Унэшхоу «Ошъутенэм» футболымкIэ и Кубок къыдэхыгъэным командэ 14 хэлажьэ.

Зыгъэпсэфыгъо мафэхэм зи­чэзыу ешIэгъухэр «Ошъутенэм» щыкIуагъэх.

Зэтэгъапшэх

«Креатив» — ЦФК — 6:6, МФОК-2 — «Скала-Строй» — 4:5, «МФОК-Ошъу­тен» — «Олимп» — 3:1, «Самбырныгъ» — «Арсенал» — 1:1, «Кавказ» — «Ошъутен» — 1:5, «Спортмастер» — «Фыщт» — 3:1.

Командэхэр купитIоу гощы­гъэхэу зэнэкъокъух. Хэгъэгум ифутбол клуб зэфэшъхьафхэм ахэтхэм языгъэпсэфыгъо уахътэ къызфагъэфедэзэ зэнэкъокъум хэлажьэх. Натхъо Амир, ХъуакIо ТIахьир, Iэщэ Анзор, Хьагъур Руслъан, Гъонэжьыкъо Азэмат, фэшъхьафхэри дэгъоу ешIэх. Физкультурэм иклубхэм, еджапIэхэм яешIакIохэу Мазлэ Арсен, Къулэ Руслъан, Тумэ ТIахьир, КIыкI Тимур, Блэгъожъ Хьамед, нэмыкIхэри футболым фэшъыпкъэх, зэIукIэгъухэм щы­сэшIу къа­щагъэлъагъо.

— Командэхэм ешIэгъу щырыщ яIагъ, текIоныгъэр къыдэзыхыщтыр къэшIэгъуае, — къытиIуагъ спорт Унэшхоу «Ошъутенэм» ипащэ иIэнатIэ зыгъэцэкIэрэ Къу­лэ Руслъан. — Анахьэу къы­хэзгъэщмэ сшIоигъор гуетыныгъэ ахэлъэу Кубокым зэрэфэ­банэ­хэрэр ары. Футболыр ашIогъэшIэгъон, япсауныгъэ агъэпытэн ямурадэу зэнэкъокъум хэлажьэх.

ЧIыпIэхэр

1. МФОК — 9 2. «Креатив» — 7 3. «Скала-Строй» — 6 4. «Мыекъуапэ» — 3 5. ЦФК — 1 6. «Олимп» — 0 7. МФОК-2 — 0. ЯтIонэрэ купыр 1. «Ошъутен» — 9 2. «Арсенал» — 7 3. «Самбырныгъ» — 4 4. «Спортмастер» — 3 5. «Фыщт» — 3 6. «Фортуна» — 0 7. «Кавказ» — 0. Я 4-рэ ешIэгъухэр бэдзэогъум и 3 — 4-м яIэщтых. Зэнэ­къокъур «Ошъутенэм» иешIапIэ щэкIо.