Нартым имедалищ
Къалэу Салават Урысыем иныбжьыкIэхэм язэнэкъокъу атлетикэ онтэгъумкIэ мэкъуогъум и 26 — 30-м щыкIуагъ.
Адыгэ Республикэм атлетикэ онтэгъумкIэ испорт еджапIэу Чыржьын Мухьарбый ыцIэ зыхьырэм зыщызыгъэсэрэ Дзэсэжъ Аслъан килограмм 67-м нэс къэзыщэчыхэрэм янэкъокъугъ.
Кощхьаблэ щапIугъэ нарт батырым шIыкIэу рывокым тыжьыныр, толчокым джэрзыр къащихьыгъ. ТIоштэгъум Урысыем ятIонэрэ чIыпIэр къыщыдихыгъ. Республикэм атлетикэ онтэгъумкIэ испорт еджапIэ ипащэу Сихъу Рэмэзанэ къызэрэтиIуагъэу, Салават щыкIорэ зэнэкъокъум илъэс 23-м нэс зыныбжьхэр хэлажьэх. Тиспортсменэу Артем Горловым тыгъуасэ иIэпэIэсэныгъэ зэIукIэгъум къыщигъэлъэгъуагъ.
А. Дзэсэжъым Адыгеим икIыгъэхэр фэгушIуагъэх, республикэм ибыракъ агъэбыбэтагъ, нэпэеплъ сурэтхэр атырахыгъэх.