Урысые Федерацием атлетикэ онтэгъумкIэ изэнэкъокъу мэкъуогъум и 24 — 30-м къалэу Салават щыкIощт.

Илъэс 23-м нэс зыныбжьхэр зэнэкъокъух, — къытиIуагъ Адыгэ Республикэм атлетикэ он­тэгъумкIэ испорт еджапIэу Чыр­жьын Мухьарбый ыцIэ зы­хьырэм ипащэу, спортымкIэ дунэе класс зиIэ мастерэу Сихъу Рэ­мэзан. — Бысымхэр дэгъоу къытпэгъокIыгъэх, къалэм ичIыпIэ дахэхэр тагъэлъэгъух.

Хэгъэгум ишъолъырхэм къарыкIыгъэ спортсмен 600 фэдиз зэнэкъокъум хэлажьэ. Адыгеим щыщхэу Хъыщт Хьазрэт, Антон Шумаковыр, Михаил Федотовыр, ПчыхьакIэ Амир, ЩашIэ Рустам, Бзэсэжъ Аслъан, Артем Горловыр медальхэм афэбанэх.

Яонтэгъугъэхэм ялъытыгъэу куп­хэм нэбгырэ 40-м къехъу арытых. ТекIоныгъэр къыдэзы­хыщтыр къэшIэгъуаеми, тибатыр­хэм тащэгугъы.