Дышъэр къыхьыгъ
Мэкъуогъум и 16 — 23-м Урысыем и Кубок къыдэхыгъэнымкIэ ыкIи Урысыем икомандэхэм язэнэкъокъу тхэквондомкIэ Мыекъуапэ щыкIуагъ.
Адыгэ Республикэм ихэшыпыкIыгъэ командэ ящэнэрэ чIыпIэр къыхьыгъ. Нэбгырэ зырызхэм язэIукIэгъухэм Адыгэ Республикэм щыщ пшъашъэу Кристина Дюбинар ахэлэжьагъ. Килограмм 73-м нэс къэзыщэчыхэрэм якуп К. Дюбинам дышъэр къыщыдихыгъ.
Адыгэ къэралыгъо университетым физкультурэмрэ дзюдомрэкIэ и Институт Кристинэ щеджэ, тренерэу Владимир Есиныр ипащ.
Хэгъэгум и Кубок фэгъэхьыгъэ зэнэкъокъум дышъэр къыщыдэзыхыгъэ Кристина Дюбинам, икIэлэегъаджэхэм, тренерхэм тафэгушIо. Опсэу, Кристина! Уигъэхъагъэхэм ахэбгъэхъонэу пфэтэIо.