Музыкальнэ комедиеу «Угощэ дэгъумэ, ури­хьы­лIагъ» зыфиIорэр мэкъуогъум и 23-м адыга­бзэ­кIэ Мыекъуапэ къыщагъэлъэгъощт.

Адыгэ Республикэм и Къэралыгъо Камернэ музыкальнэ театрэу Хьанэхъу Адамэ ыцIэ зыхьырэм адыгэ унагъом изэфыщытыкIэхэм, щыIэныгъэм изэхъокIыныгъэхэм афэгъэхьыгъэ къэгъэлъэгъонэу щагъэуцугъэр гъэшIэгъонэу гъэпсыгъэ. Урысыем, Адыгеим культурэмкIэ язаслуженнэ IофышIэу Цэй Ерыстэм ытхыгъэм техыгъэм ныбжь зэфэшъхьаф зиIэхэр зэфещэх. Режиссерыр Урысыем, Адыгеим искусствэхэмкIэ язаслуженнэ IофышIэшхоу Сулейманов Юныс.

Гуащэмрэ пщымрэ ярольхэр ЛIый Бэлэрэ Бэгъ Алкъэсрэ къашIы. Нысэр Кобл Зурыет, ащ ишъхьэгъусэр артистэу Шъхьачэ Арсен. Къэгъэлъэгъоным нэмыкI артистхэри хэлажьэх.

Артистхэм орэдхэр къаIох, адыгэ гущыIэ щэрыохэр къызыфагъэфедэхэзэ щыIэныгъэм нахь куоу ухащэ. Комедие гъэпсыкIэ зиIэ къэгъэлъэгъоным уегъэщхы. ЦIыф зэфыщытыкIэхэр гъэшIэгъо­нэу къашIыхэзэ, музыкальнэ те­ат­рэр драматическэм зэрэтекIырэм унаIэ теодзэ. Нысэм ишъхьэ­гъусэу Дзэгъащтэ колхозым ибригадэ ипащ, IофшIэныр дэгъоу зэхещэ, къыщэтхъух. Арэу щытми, унагъом щырэхьатэп, нысэр иIахьылхэм адэжь мэкIожьы.

Нысэм къызэригъэзэжьыгъэр, гуащэм зэрешIужьыгъэр, нэмыкI­хэри музыкальнэ комедием щы­тэлъэгъух.

Сурэтым итхэр: артистхэу Шъхьачэ Арсен, Кобл Зурыет къэгъэлъэгъоным хэлажьэх.