Къыблэм дзюдомкIэ изэнэкъокъу Мыекъуапэ щыкIуагъ. Шъолъырхэм ябэнэкIо анахь лъэшхэр алырэгъум щызэIукIагъэх.

Адыгэ Республикэм ихэшы­пыкIыгъэ командэ ятIонэрэ чIы­пIэр къыдихыгъ. Краснодар краим щыщхэм апэрэ чIыпIэр ахьыгъ, Волгоград хэкум къи­кIыгъэхэм ящэнэрэ чIыпIэр афа­гъэшъошагъ. Ростов, Астрахань хэкухэм, Къырым, Къалмыкъым дзюдомкIэ ябэнакIохэри зэIукIэгъухэм ахэлэжьагъэх.

Краснодар краим ихэшыпыкIыгъэ командэ хэтхэу Нэгъуцу зэшхэу Абрек, кг 66-рэ, Казбек, кг 73-рэ, апэрэ чIыпIэхэр къыдахыгъэх, ахэр ТIуапсэ щыщых. Тренерхэу Нэгъуцу Джамболэтрэ Шъхьэлэхъо Зауррэ агъасэх. Нэ­бгыритIури Джамболэт ыкъох.

Республикэм ихэшыпыкIыгъэ командэ хэтэу ЦIыкIу Рэмэзан, кг 60, апэрэ чIыпIэр къыдихыгъ, тренерхэр Джарымэкъо Рустам, Шъэумэн Байзэт. ЦIыкIушъо Асхьад, кг 60, джэрзыр къыхьыгъ, тренерхэр Хьакурынэ дамир, Акъущ Мыхьамод.

Тао Адамэ, кг 66-рэ, тыжьыныр къыдихыгъ, тренерыр Хьакурынэ Дамир. Къуижъ Бислъан, кг 73-рэ, ятIонэрэ чIыпIэр къыдихыгъ, тренерыр Беданыкъо Рэмэзан.

Адыгеим щапIугъэ ШъэоцIыкIу Айдэмыр Къырым икомандэ фэ­бэнагъ. Нарт шъаом, кг 81-рэ, дышъэр къыдихыгъ, тренерхэр Акъущ Мыхьамод, Юрий Ре­шет­ников.

Ордэн Заур, кг 81-рэ, Дат­хъужъ Алый, кг 90-рэ, Хьакурынэ Хьазрэт, кг 100, Акопян Вардкез, кг 100-м къехъу, ящэнэрэ чIыпIэхэр къыдахыгъэх. Тренерхэр Беданыкъо Рэмэзан, КIубэ Хьамед, Хьакурынэ Дамир.

Пшъашъэхэри яонтэгъугъэхэм ялъытыгъэу зэнэкъокъум щы­бэнагъэх. Ульяна Ткаченкэм, кг 48-рэ, ятIонэрэ чIыпIэр къыдихыгъ, тренерхэр Адзынэ Алый, Мерэм Саид. Къэлэбый Рузан, кг 52-рэ, тыжьыныр къыхьыгъ, тренерхэр Беданыкъо Байзэт, Роман Оробцов.

Анна Лодневам, кг 63-рэ, Тулпэрэ Данэ, кг 78-м къехъу, ящэ­нэрэ чIыпIэхэр къахьыгъэх. Тре­нерхэр Адзынэ Алый, Мерэм Саид, КIубэ Хьамед.

— Хъулъфыгъэхэм язэнэкъокъу медальхэр къыщыдэзыхыгъэхэр, пшъашъэхэм язэIукIэгъухэм апэрэ чIыпIитIур къащызыхьыгъэхэр Урысыем икIэух зэIукIэгъухэм ахэлэжьэщтых, — къытиIуагъ Адыгэ Республикэм дзюдомкIэ испорт еджапIэу Кобл Якъубэ ыцIэ зыхьырэм ипащэу Бастэ Сэлымэ. — 2021-рэ илъэсым Iоныгъо мазэм и 23 — 28-м хэгъэгум изэнэкъокъу Мыекъуа­пэ щыкIощт.

Сурэтхэм арытхэр: дзюдомкIэ мэбанэх; тыжьыныр къыдэзы­хыгъэ Къэлэбый Рузан.