Тигъэзет къызэрэхиутыгъэу, ку­шъхьэфэчъэ спортымкIэ дунэе зэIукIэгъу Москва щыкIуагъ.

«Москва и Гран-при» зыфиIорэ зэнэкъо­къум Грециер, Италиер, Латвиер, Белоруссиер, Армениер, Казахстан, Узбекистан, Урысыер хэлэжьагъэх. Спортсмен 200-м нахьыбэмэ яIэпэIэсэныгъэ трекым къыщагъэлъэгъуагъ.

Командэм хэтхэу анахь псынкIэу къэ­чъэнхэ зылъэкIыщтхэр, метрэ 1000-р къэзыкIущтхэр, анахьыбэу очко пчъагъэр изы­гъэ­къущтхэр, нэмыкIхэри зэхэщакIохэм къыхагъэщыгъэх.

Нэбгырэ тIурытIу хъухэу «Мэдисон» зыфиIорэ зэнэкъокъум СтIашъу Мамыр хэлэжьагъ. Москва щыщ спортсменымрэ Адыгэ Республикэм кушъхьэфэчъэ спортымкIэ иеджапIэ зыщызыгъэсэрэ СтIашъу Мамыррэ ящэнэрэ чIыпIэр къыдахыгъ, джэрзыр къафагъэшъошагъ.

— Урысыем кушъхьэфэчъэ спортымкIэ ихэшыпыкIыгъэ командэ СтIашъу Мамыр хэт. Адыгеим испортсмен анахь дэгъуи 10-у 2020-рэ илъэсым къыхахыгъэхэм ащыщ. ИIэпэIэсэныгъэ зэрэхигъахъорэм тегъэгушIо, — къы­тиIуагъ Адыгэ Республикэм кушъхьэфэчъэ спортымкIэ и Федерацие ипащэу Анатолий Лелюк.

Нарт шъаоу СтIашъу Мамыр хэгъэгу ыкIи дунэе зэIукIэгъухэм ахэлэжьэнэу зегъэхьазыры. Спортышхом гъэхъагъэу щишIырэм хигъэхъонэу фэтэIо.

Сурэтым итхэр: Москва щыкIогъэ зэнэ­къокъум хагъэунэфыкIырэ чIыпIэхэр къы­щыдэзыхыгъэхэм афэгушIох.