Урысыем игандбол клубхэу апшъэрэ купым хэтхэу я 9 – 18-рэ чIыпIэхэм афэбанэхэрэм язэIукIэгъухэм Мыекъопэ «АГУ-Адыиф-2-р» ахэлэжьагъ.

2020 – 2021-рэ илъэс зэнэ­къокъум икIэух ешIэгъухэм шъуа­щытэгъэгъуазэ.

«Адыиф-2» – ЦСКА-3 Москва – 28:27 (13:13).

ЖъоныгъуакIэм и 15-м Мые­къуапэ щешIагъэх.

«Адыиф-2»: къэлэпчъэIутхэр: Черницева, Пивнева, Скнарь; ешIакIохэу хъагъэм Iэгуаор изыдзагъэхэр: С. Морозова – 3, Логвиненко – 4, Къэбж – 2, Куцевалова – 10, Казиханова – 4, Казанджян – 3, Гильфанова – 1, Якимчук – 1.

ТекIоныгъэр зыхьыщтыр къэшIэгъуаеу щытыгъэми, «Адыиф-2-м» иешIакIохэм ягуетыныгъэ къыхэтэгъэщы. Ангелина Куцеваловам къэлапчъэм Iэгуаор дидзэзэ, щысэшIу къыгъэлъэ­гъуагъ.

ЯтIонэрэ зэIукIэгъур

«Адыиф-2» – ЦСКА-3 – 31:25 (13:10). ЖъоныгъуакIэм и 16-м Мые­къуапэ щешIагъэх.

«Адыиф-2»: къэлэпчъэIутхэр: Пивнева, Скнарь; ешIакIохэр: Цепова – 2, Логвиненко – 4, Къэбж – 1, Куцевалова – 6, Казиханова – 3, Коваленко – 3, Казанджян – 9, Добарджич – 1, Якимчук – 2.

ЯтIонэрэ ешIэгъум «Адыиф-2-м» иIэпэIэсэныгъэ нахьышIоу щигъэфедагъ, текIоныгъэр къыдихыныр къехьылъэкIыгъэп.

Пчъагъэм уегъэразэ

«Адыиф-2» – «Звезда-УОР» Звенигород – 35:23 (16:10). ЖъоныгъуакIэм и 18-м Мые­къуапэ щызэIукIагъэх.

«Адыиф-2»: къэлэпчъэIутхэр: Черницова, Пивнева, Скнарь; ешIакIохэр: Никулина – 1, Провоторова – 1, С. Морозова – 4, Цепова – 2, Логвиненко – 4, Къэбж – 1, Куцевалова – 3, Казиханова, Гильфарова – 2, Добарджич – 1, Якимчук – 2. Адыгеим игандбол клуб «Звездам» нахь дахэу ешIагъ, бэрэ ыпэкIэ илъыщтыгъ.

Я 2-рэ ешIэгъур

«Адыиф-2» – «Звезда» – 32:22 (18:7). «Адыиф-2»: къэлэпчъэIутхэр: Пивнева, Скнарь; ешIакIохэр: Мельникова – 2, С. Морозова – 2, Цепова – 2, Логвиненко – 4, Къэбж – 2, Куцевалова – 5, Казиханова – 1, Коваленко – 3, Казанджян – 4, Гильфанова – 2, Добарджич – 4, Якимчук – 3.

«Звездам» иешIакIохэм къахэщыгъэх А. Крыловар, Е. Дьячен­кэр, къэлапчъэм Iэгуаор апэрэм 5, ятIонэрэм 4 дадзагъ. «Адыиф-2-р» текIоныгъэм икъыдэхын фэхьазырэу ешIагъ.

Зэфэхьысыжьхэр

– Я 9-рэ чIыпIэм типшъашъэ­хэр фэбанэхэзэ, ешIэкIэ дэгъу апшъэрэ купым къыщагъэлъэгъуагъэу сэлъытэ, – къытиIуагъ «Адыиф-2-м» итренер шъхьаIэу, Урысыем изаслуженнэ тренерэу Александр Реввэ. – ЯIэпэIэсэныгъэ хэпшIыкIэу хагъэхъуагъ. Суперлигэм щешIэрэ «Ады­ифым» рагъэблагъэх.

Дарина Никулинар, Ангелина Куцеваловар, Юлия Кожубековар, Диана Казихановар, къэлэпчъэ­Iутхэу Екатерина Пивневар, Юлиана Скнарь Суперлигэм щешIэх. Къэбж Зареми Алина Казанджяни яIэпэIэсэныгъэ хагъахъо, суперлигэм хэт командэм щытлъэгъущтхэу тэгугъэ.

– Адыгеим щыщ пшъашъэхэр арых «Адыиф-2-м» хэтхэр. Ахэр еджэх, спортым ящыIэныгъэ рапхын ямурад. Гандбол ешIэ зышIоигъо пшъашъэхэр илъэс къэс нахьыбэ зэрэхъухэрэм тегъэгушIо, – къытиIуагъ гандбол клубэу «Адыифым» ипащэу Къудайнэт Мэджыдэ.

Ангелина Куцеваловар «Адыиф-2-м» анахь дэгъоу щешIэхэрэм ащыщ. Къэлапчъэм Iэгуаор бэрэ дедзэ, иIэпэIэсэныгъэкIэ къазэ­рэхэщыгъэм фэшI шIухьафтынхэр къыфашIэу къыхэкIы.

– «Адыгеим» сыхэтэу суперлигэм сыщешIэ сшIоигъу, – къытиIуагъ спорт унагъом щапIугъэ Ангелина Куцеваловам.

«Адыиф-2-м» илъэс зэнэкъо­къур ыухыгъ, нэмыкI командэхэм зэIукIэгъухэр жъоныгъокIэ мазэм яIэщтых.

ЧIыпIэхэр

1. «АГУ-Адыиф-2» – 60 2. «Ставрополье» – 40 3. «Кубань-3» – 35 4. «Олимп» – 35 5. «Динамо-3» – 32 6. «Ростов-Дон-3» – 31 7. «Луч-2» – 29 8. «Звезда-УОР» – 24 9. ЦСКА-3 – 24 10. «СШ N 13-Алиса» – 19.

Сурэтхэм арытхэр: Къудайнэт Мэджыдэ Ангелина Куцеваловам фэгушIо; «АГУ-Адыиф-2».