Дунэе зэIукIэгъухэу кушъхьэфэчъэ спортымкIэ Москва щыкIуа­гъэхэм СтIашъу Мамыр ящэнэрэ чIыпIэр къащыдихыгъ.

Урысыем ихэшыпыкIыгъэ командэ хэтэу СтIашъу Мамыр Адыгеим кушъхьэфэчъэ спортымкIэ иеджапIэ зыщегъасэ. ШIухьафтын шъхьаIэу «Гран-при» зыфиIорэр къыдэхыгъэным фэгъэхьыгъэ зэIукIэгъоу Москва щызэхащагъэр трекым щыкIуагъ. «Мэдисон» зыфиIорэм СтIашъу Мамыр ящэнэрэ чIыпIэр къыщыдихыгъ.

— СтIашъу Мамыр IэпэIэсэныгъэ ин зэнэ­къокъум къыщигъэлъэгъуагъ, тигъэгушIуагъ, — къытиIуагъ Адыгеим кушъхьэфэчъэ спортымкIэ и Федерацие ипащэу, М. СтIашъум итренерэу Анатолий Лелюк.