ЦСКА-м дышъэр ыхьыгъ
Хэгъэгум гандболымкIэ изэнэкъокъу хэлэжьэрэ бзылъфыгъэ клубхэм 2020 — 2021-рэ илъэс зэнэкъокъур аухыгъ.
ПэшIорыгъэшъ ешIэгъухэм къащыдахыгъэхэ чIыпIэхэм ялъытыгъэу клубхэр медальхэм афэбэнагъэх.
ЦСКА Москва — «Ростов-Дон» Ростов-на-Дону апэрэ ешIэгъур: 30:23-рэ. ЯтIонэрэ зэIукIэгъур: «Ростов-Дон» — ЦСКА — 29:26-рэ, ЦСКА-м апэрэ чIыпIэр къыдихыгъ, «Ростов-Доным» тыжьыныр ыхьыгъ.
«Астраханочка» Астрахань — «Лада» Тольятти: апэрэ ешIэгъур — 34:29-рэ. ЯтIонэрэ зэIукIэгъур: «Лада» — «Астраханочка» — 32:17. Джэрзыр «Ладэм» къыдихыгъ.
«Кубань» — «Звезда» — 28:33-рэ. ЯтIонэрэ ешIэгъур: «Звезда» — «Кубань» — 26:28-рэ.
ЧIыпIэхэр
1. ЦСКА 2. «Ростов-Дон» 3. «Лада» 4. «Астраханочка» 5. «Звезда» 6. «Кубань» 7. «Ставрополье» 8. «Университет» 9. «Динамо» 10. «Уфа-Алиса» 11. «АГУ-Адыиф» 12. «Луч».
ЦСКА-м апэрэу дышъэ медальхэр къыдихыгъэх. «Ростов-Доным» зэкIэлъыкIоу гъогогъуи 4 апэрэ чIыпIэр хэгъэгум къыщыдихыгъ, мыгъэ тыжьыныр ыхьыгъ.
ЦСКА-м итренер шъхьаIэр Ольга Акопян, капитаныр Дарья Дмитриева. Дышъэр клубым къызэрэдихыгъэм фэшI тыфэгушIо, Европэм изэнэкъокъу гъэхъагъэ щишIынэу фэтэIо.