«Краснодар-3» Краснодар — «Зэкъошныгъ» Мыекъуапэ — 1:0. ЖъоныгъуакIэм и 10-м Краснодар щызэдешIа­гъэх.

«Зэкъошныгъ»: Гиголаев, Такълый, Хьагъур, Палажнов, Букия (Бабенко, 64), Ещенко, Газиты, Iащэ, Антоненко (Хьасаныкъу, 89), Андрейченко, Къонэ (Крылов, 82).

Къэлапчъэм Iэгуаор дэзы­дзагъэр: Симонов, 38.

Я 28-рэ зэIукIэгъухэр

ЯтIонэрэ купэу «Къыблэм» ия 28-рэ зэIукIэгъухэм якIэуххэр зэтэгъапшэх. «Спартак» — «Кубань» — 0:3, «Легион» — СКА — 0:0, «Кубань-Холдинг» — «Форте» — 2:1, «Ессентуки» — «Мэщыкъу» — 1:4, «Биолог» — «ТIуа­псэ» — 4:1, «Черноморец» — «Интер» — 2:0, «Анжи» — «Махачкала» — 2:2. Я 29-рэ ешIэгъухэр «Зэкъошныгъ» — «Кубань­-Холдинг» Павловскэ район — 0:3. ЖъоныгъуакIэм и 16-м Мые­къуапэ щызэIукIагъэх.

«Зэкъошныгъ»: Гиголаев, Такълый, Подковыров, Палажнов, Хьагъур, Букия (Манченко, 86), Крылов (Дыхъу, 82), Iащэ, Антоненко, Андрейченко (М. Делэкъу, 90), Къонэ.

Къэлапчъэм Iэгуаор дэзы­дзагъэхэр: Р. Гиголаев — 6, Зайкин — 11, Н. Гиголаев — 34, «Кубань-Холдинг».

Зэнэкъокъум апэрэ чIыпIэр щызыIыгъ клубым удешIэзэ, такъикъи 10-м ыуж пчъагъэр 0:2 зыхъукIэ сыда анахьэу узэгупшысэщтыр? «Зэкъошныгъэм» итренер шъхьаIэу Ешыгоо Сэфэрбый къызэрэтиIуагъэу, ухъу­мэн Iофыгъохэр нахьышIоу зэ­рэбгъэцэкIэщтхэм уегупшысэн фае.

Апэрэ едзыгъор 3:0-у «Кубань-Холдингым» ыхьыгъ. ЯтIо­нэрэ едзыгъор ащ ебгъапшэмэ, «Зэкъошныгъэм» узэрэщытхъун амалхэр къыгъэлъэгъуагъэх. Ухъу­мэн Iофыгъохэм ямэхапIэхэр «Зэкъошныгъэм» ыгъэпытагъэх. УхъумакIохэм ащыщэу Р. Хьа­гъурыр джабгъу лъэныкъомкIэ ыпэкIэ илъэуи къыхэкIыгъ. «Кубань-Холдингыр» гупчэм псынкIэу щешIэзэ, тикъэлапчъэ пэ­чы­жьэу заулэрэ къыдэуагъ. А. Ды­шъэкIыр лъэш дэдэу Iэгуаом зеом, Д. Гиголаевым зидзи, къогъупэм къыщызэкIидзэжьыгъ.

ТикъэлэпчъэIут цыхьэшIэгъоу зэрешIэрэм тигъэгушIощтыгъ, ау ыпэкIэ щешIэхэрэм зэхэщэн ­Iофыгъохэр зэрагъэцакIэхэрэм уигъэрэзэнэу щытыгъэп. А. Iащэр, А. Къонэр, Ю. Андрейченкэр,

Д. Крыловыр, нэмыкIхэри апэкIэ илъыщтыгъэх шъхьаем, къэлап­чъэм дэонхэ, ухъумакIохэр лъэшэу агъэгумэкIынхэ алъэкIыщтыгъэп.

«Кубань-Холдингым» иешIа­кIохэр футболым нахь хэгъозагъэхэу зэнэкъокъум къыщылъэгъуагъэх.

Пресс-зэIукIэр

— ЯтIонэрэ едзыгъом нахь рэхьатэу тиухъумакIохэр ешIа­гъэх. Къэлапчъэм нахь благъэу екIолIэнхэм, Iэгуаор хъагъэм ра­дзэным «Зэкъошныгъэр» фэхьазырэп. ТиешIакIохэр ныбжьыкIа­Iох, опыт яIэп. КъэкIощт илъэс зэнэкъокъум нахьышIоу тыщешIэным зыфэтэгъэхьазыры, — къы­Iуагъ «Зэкъошныгъэм» итренер шъхьаIэу Ешыгоо Сэфэрбый.

— ЕшIэгъум текIоныгъэр къы­щыдэтхыныр къытэхьылъэкIыгъэп. Тэ пшъэрылъ хэхыгъэ тиI. Зэнэкъокъум апэрэ чIыпIэр къы­щыдэтхыным тыфэбанэ. Клубым ипащэхэм ягугъэ къэдгъэшъыпкъэжьы, хэгъэгум изэнэкъокъоу апэрэ купым щыкIорэм тыщешIэ тшIоигъу, — къыIуагъ «Кубань­-Холдингым» итренер шъхьаIэу Дмитрий Фоминым.

— Мыекъуапэ футбол командэ дэгъу иIэщтыгъ. ЗэIукIэгъухэм тяплъынэу Адыгеим икъэлэ шъхьаIэ тыкъакIощтыгъ. Стадион дахэ Мыекъуапэ щагъэпсыгъ, ау «Зэкъошныгъэм» иешIакIэ къе­Iыхыгъ. Республикэм щапIугъэ кIалэхэр командэм щырагъэшIэнхэм пащэхэр зэрэпылъхэр дэгъу. Арэу щытми, командэм диштэщт ешIакIохэр шъолъыр зэфэшъхьафхэм къарыпщынхэм зи мы­хъун хэслъагъорэп. «Зэкъошныгъэр» Урысыем и Кубок фэбанэзэ финалныкъом зэрэнэсы­гъагъэр тщыгъупшэрэп, — къытиIуагъ тизэдэгущыIэгъу икIэух Д. Фоминым.

Зэгъэпшэнхэр

Купэу «Къыблэм» хэт футбол клубхэр яIэпэIэсэныгъэкIи, ямурадхэмкIи зэрэзэтекIыхэрэр зэ­нэкъокъум чIыпIэу къыщахьырэм къеушыхьаты.

И 16-м зэрешIагъэхэр

«Махачкала» — «Динамо» — 4:0, «Кубань» — «Анжи» — 5:1, СКА — «Краснодар-3» — 1:1, «Форте» — «Ессентуки» — 3:0, «Мэщыкъу» — «Биолог» — 1:3, «ТIуапсэ» — «Черноморец» — 1:1, «Интер» — «Спартак» — 1:2.

ЧIыпIэхэр

1. «Кубань-Холдинг» — 70 2. «Кубань» — 68 3. «Черноморец» — 57 4. «Легион» — 54 5. СКА – 52 6. «Махачкала» — 40 7. «Анжи» — 39 8. «Форте» — 38 9. «Спартак» — 37 10. «Динамо» — 35 11. «Мэщыкъу» — 32. 12. «Биолог» 30 13. «Краснодар-3» — 30 14. «Зэкъошныгъ» — 19 15. «Интер» — 18 16. «ТIуапсэ» — 14 17. «Ессентуки» — 13.

Я 30-рэ ешIэгъухэр жъоны­гъуакIэм и 20 — 21-м клубхэм яIэщтых. «Зэкъошныгъэр» зэнэ­къокъум аужырэ чIыпIэр щызы­Iыгъ клубэу «Ессентуки» дешIэщт. ЗэIукIэгъур Ессентуки истадион щыкIонэу щыт.