«Луч» Москва – «АГУ-Адыиф» Мыекъуапэ – 25:25 (13:14). ЖъоныгъуакIэм и 8-м Москва щызэдешIагъэх.

Суперлигэм хэт гандбол клубхэу «Лучыр» ыкIи «Адыифыр» я 11-рэ чIыпIэм фэбанэх. Къэлапчъэм Iэгуаор дэзыдзагъэхэр къыхэтэгъэщых.

«Адыиф»: Клименко – 3, Никулина – 1, А. Морозова – 1, Логвиненко – 1, Богданова – 4, Измайлова – 5, А. Куцевалова – 6, Казиханова – 1, Кобл – 2, Стрельцова – 1.

ЕшIэгъур зыхьыщтыр язэрэмыгъашIэу клубхэр зэнэкъокъугъэх. «Лучым» иешIакIоу А. Борисовам «Адыифым» икъэлапчъэ Iэгуаор гъогогъуи 8 дидзагъ.

Я 53-рэ такъикъым пчъагъэр 24:23 хъугъэ. Я 57-рэ такъикъым Г. Измайловам бысымхэм якомандэ икъэлапчъэ Iэгуаор ди­дзагъ – 24:24-рэ. ЗэIукIэгъур аухынкIэ такъикъи 2 къэна­гъэу А. Борисовам «Адыифым» икъэ­лапчъэ Iэгуаор къыдидзи, Москва иешIакIохэр тапэ ишъыгъэх. Г. Измайловам ухъумакIор ыгъэп­лъэхъуи, «Лучым» икъэлапчъэ Iэгуаор дидзагъ, я 59-рэ такъикъыр макIо. «Адыифыр» икIэрыкIэу ыпэкIэ илъыгъ, хъагъэм Iэгуаор ридзэнымкIэ амал­хэм алъыхъузэ ешIэгъу уахътэр аухыгъ.

ЖъоныгъуакIэм и 14-м клубхэр ятIонэрэу Мыекъуапэ щызэдешIагъэх, текIоныгъэр зыхьырэм я 11-рэ чIыпIэр хэгъэгум къыщыдихыщт.