Хэгъэгум иапшъэрэ куп хэт футбол клубхэм я 27-рэ ешIэгъухэр мэлылъфэгъум и 24 – 25-м яIагъэх.

2020 – 2021-рэ илъэс зэнэкъо­къур кIэухым фэкIо. Медальхэр зыхьыщтхэр, апшъэрэ купым хагъэкIыщтхэр зичэзыу ешIэгъу­хэм къащынэфэщтых.

ЗэIукIэгъухэр

«Зенит» — «Ротор» — 6:0, «Спартак» — ЦСКА – 1:0, «Ростов» — «Арсенал» — 1:0, «Динамо» — «Химки» — 0:1, «Тамбов» — «Локомотив» — 2:5, «Рубин» — «Краснодар» — 0:1, «Уфа» — «Шъачэ» — 2:3, «Урал» — «Ахмат» — 1:1.

«Шъачэ» 2:0-у зэIукIэгъур къы­хьызэ, 2:2 пчъагъэр хъугъэ. «Уфа» иешIакIо шапхъэхэр зеукъохэм, я 90+1 такъикъым Нобоа пенальтикIэ хъагъэм Iэгуа­ор дидзагъ – 2:3.

«Динамэр» «Химки» зыдешIэм, гъогогъуи 2 къэлэпчъэпкъым Iэгуаор тыригъэфагъ, ау хъагъэм дидзэн ылъэкIыгъэп. Я 90+1 такъикъым Глушенковым «Динамэм» икъэлапчъэ Iэгуаор дидзагъ, пчъагъэр – 0:1.

«Спартак» ЦСКА-м 1:0-у те­кIуагъ. Ларсен ухъумэкIуи 2-мэ дахэу аIэкIэкIи, я 52-рэ такъи­къым къэлапчъэм Iэгуаор ди­дзагъ. «Ростов» пенальтикIэ «Арсенал» текIуагъ, Полоз хъагъэм Iэгуаор дидзагъ.

«Краснодар» Казань зыще­шIэм, я 17-рэ такъикъым Ионовым ухъумэкIуи 2-р ыгъэплъэ­хъуи, къэлапчъэм Iэгуаор ди­дзагъ. Тренер шъхьаIэу Ганчаренкэм зэрилъытэрэмкIэ, «Краснодар» иешIакIэ хигъэхъоным фэхьазыр.

ЧIыпIэхэр

1. «Зенит» — 58 2. «Локомотив» — 52 3. «Спартак» — 50 4. «Рубин» — 46 5. «Шъачэ» — 46 6. ЦСКА – 46 7. «Динамо» — 46 8. «Химки» — 41 9. «Ростов» — 40 10. «Краснодар» — 38 11. «Ахмат» — 36 12. «Урал» — 31 13. «Арсенал» — 23 14. «Уфа» — 20 15. «Ротор» — 18 16. «Тамбов» — 13.

Я 28-рэ ешIэгъухэр

1.05 «Краснодар» — «Шъачэ» ЦСКА – «Уфа» «Рубин» — «Динамо» «Ротор» — «Ахмат». 2.05 «Зенит» — «Локомотив» «Ростов» — «Тамбов» «Химки» — «Урал» 3.05 «Арсенал» — «Спартак».