Урысыем кушъхьэфэчъэ спортымкIэ изэнэкъокъу Адыгэ Республикэм щыкIуагъ.

Бзылъфыгъэхэр, кIэлэеджакIо­хэр республикэм игъогухэм ащызэнэкъокъугъэх. Адыгеим ихэшыпыкIыгъэ командэ дышъэ медалищ, тыжьын ыкIи джэрз медальхэр къыдихыгъэх.

— Хэгъэгум ишъолъыр 31-мэ яспортсменкэхэр тиреспуб­ликэ щызэIукIагъэх, — къытиIуагъ Адыгеим кушъхьэфэчъэ спортымкIэ и Федерацие ипащэу Анатолий Лелюк. – Адыгэ Республикэм итренерэу Алексей Войновым ыгъэсэрэ пшъа­шъэхэм гъэ­хъагъэу спортым щашIыгъэр адыгэ быра­къым и Мафэ фагъэхьыгъ.

— Зэнэкъокъур Адыгэ Рес­­пуб­ликэм гъэшIэгъонэу щыкIуагъ, Анатолий Лелюк, зэхэщэкIо купым хэтхэм лъэшэу та­фэраз. «Тхьа­шъуе­гъэпсэу» гъэзетымкIи ятIо­жьы тшIоигъу. Тэ Удмуртием тыкъикIыгъ. Мыщ фэдэ зэIукIэгъу инхэр джырэ уахътэ республикэм щызэхэпщэнхэр зэрэкъиныр тэшIэ, — къытиIуагъ кушъхьэфэчъэ спортымкIэ дунаим апэрэ чIыпIэр къыщыдэзыхыгъэ Светлана Бубненковам.

Адыгеим испорт щыцIэрыIоу Елизавета Ошурковам зэнэкъо­къум дышъэр къыщыдихыгъ. Урысыем ихэшыпыкIыгъэ командэ хэтэу Олимпиадэ джэгунхэм ахэлэжьэнэу зегъэхьазыры.

Адыгеим икIэлэеджакIохэу кушъхьэфэчъэ спортымкIэ зэнэ­къокъум хэлэжьагъэхэм яIэпэIэсэныгъэ хагъахъозэ нахьыбэрэ тагъэгушIо зэрашIоигъор къыта­Iуагъ.