Къыблэм атле­тикэ онтэгъумкIэ изэнэкъокъу Адыгэ къэра­лыгъо универ­ситетым щы­кIуагъ.

Севастополь, Къырым, Краснодар краим, Ростов хэкум, Къалмыкъым, Адыге­им, нэмыкIхэм яспортсменхэр щылычым ебэныгъэх.

Апэрэ чIыпIэр къыдэзыхыгъэхэм ащыщ Кощхьаблэ щапIугъэ Дзэ­сэжъ Аслъан. Тренерхэр Сихъу Аслъан, Сихъу Рэмэзан.

ЗэIукIэгъухэр зэрэкIуа­гъэхэм яхьылIэгъэ еплъы­кIэхэр «Адыгэ макъэм» къыщыхэтыутыщтых. Спортым иветеранхэм къытфаIотагъэр бэмэ ашIо­гъэшIэгъон хъущт. КIалэхэри, пшъашъэхэри медальхэм афэбанэхэзэ, щы­сэшIоу къагъэлъэгъуагъэр макIэп.