Урысые Федерацием кушъхьэфэчъэ спортымкIэ бзылъфыгъэхэм язэнэкъокъу Адыгэ Республикэм щэкIо. Хэгъэгум ишъолъыр 31-мэ къарыкIыгъэ спортсменкэхэр зэIукIэ­гъухэм ахэлажьэх. Зэнэкъокъум ия 3-рэ мафэ Джэджэ районым игъогухэм ащызэхащагъ. Километри 108-рэ гъогум бзылъфыгъэхэм яспорт ухьазырыныгъэ къыщагъэлъэгъуагъ. Купым хэтхэу гъогур къакIугъ. Адыгэ Республикэм кушъхьэфэчъэ спортымкIэ иеджапIэ зыщызыгъэсэрэ Елизавета Арчибасовам ятIонэрэ чIыпIэр къы­дихыгъ. Адыгеим изаслуженнэ тренерэу Алексей Войновыр ипащэу зэIукIэгъухэм тыжьыныр къащызыхьыгъэ Елизавета Арчибасовам тыфэгушIо. Анастасия Печерских апэрэ чIыпIэр къыдихыгъ, Светлана Крыловам джэрзыр фагъэшъошагъ. НэбгыритIури Санкт-Петербург щыщых. Хэгъэгум изэнэкъокъу хэхьэрэ зэIукIэгъухэр къалэу Мыекъуапэ ыуж Джэджэ районым щыкIощтых.