«Зэкъошныгъ» Мыекъуапэ — «Форте» Таганрог — 2:5 (1:2). Мэ­лылъфэгъум и 15-м Адыгэ республикэ стадионым щызэдешIагъэх.

«Зэкъошныгъ»: Орехов, Такъ­лый, Подковыров, Хьагъур, Палажнов, Букия (Хьасаныкъу, 59), Крылов, Газиты, Ашэ, Антоненко (Манченко, 88), Андрейченко.

Къэлапчъэм Iэгуаор дэзы­дзагъэхэр: Ашэ — 45 (пенальти), Антоненко — 65 — «Зэ­къошныгъ». Черкес — 7, Гай­дуков — 17, Юрченко — 50, И. Захаров — 65, Датхъужъ — 85 — «Форте».

Ашэ Анзор пенальтир дэгъоу ыгъэцакIи, «Форте» икъэлапчъэ Iэгуаор зыдедзэм, «Зэкъошны­гъэр» текIоныгъэм фэбэнэн ылъэ­кIыщтэу тлъытэщтыгъ.

Хьасаныкъор ыпэкIэ илъи, Антоненкэм Iэгуаор дахэу ритыгъ. Антоненкэр изакъоу къэлэпчъэ­Iутым екIуи, хъагъэм Iэгуаор дидзагъ.

Тиклуб икъэлапчъэ иухъума­кIохэр цыхьэшIэгъоу ешIэнхэ зэ­рамылъэкIырэр «Фортем» ыгъэ­федэзэ къэлапчъэм Iэгуаор заулэрэ дидзагъ.

«Фортер» командэ лъэш дэдэп шъхьае, зэнэкъокъум диштэрэ ешIакIэр къыгъоти, текIоныгъэр къыдихыгъ.

«Зэкъошныгъэм» Д. Гиголаевыр, А. Къонэр зэрэщемышIа­гъэхэр къегоуагъ.

Я 24-рэ зэIукIэгъухэр

«Черноморец» — «Анжи» — 4:1, «Биолог» — «Динамо» — 0:1, «Ессентуки» — «Махачкала» — 0:3, «Кубань-Холдинг» — «Кубань» — 1:1, СКА — «Мэщыкъу» — 4:0, «Легион» — «ТIуапсэ» — 7:2, «Краснодар-3» — «Интер» — 2:2.

Апэ итых клубхэу «Кубань-Холдинг» ыкIи «Кубань» язэIукIэгъу текIоныгъэр зыми къыщыдихы­гъэп. Зэнэкъокъур шIэхэу купэу «Къыблэм» щаухыщтэп. Арышъ, апэрэ чIыпIэр зыхьыщтым тшIогъэшIэгъонэу тылъыплъэщт. «Кубань» зэIукIэгъу къинхэр къы­фэнагъэх.

«Зэкъошныгъэр» текIоныгъэр бэрэ къыдэзыхырэмэ ащыщэп, ешIакIохэр ныбжьыкIаIох, опыт яIэп. Зэнэкъокъум клубыр щы­лъыкIотэным фэшI иешIакIэ къы­гъотын, къэлапчъэм нахьыбэрэ Iэгуаор дидзэным пылъын фае.

ЧIыпIэхэр

1. «Кубань-Холдинг» — 55 2. «Кубань» — 53 3. «Черноморец» — 49 4. СКА – 46 5. «Легион» — 46 6. «Анжи» — 37 7. «Форте» — 33 8. «Динамо» — 31 9. «Спартак» — 30 10. «Махачкала» — 30 11. «Мэщыкъу» — 28 12. «Краснодар-3» — 22 13. «Биолог» — 21 14. «Зэкъошныгъ» — 19 15. «Интер» — 15 16. «Ессентуки» — 13 17. «ТIуапсэ» — 7.

«Зэкъошныгъэр» я 25-рэ ешIэгъухэм ахэлэжьэщтэп. Я 26-рэ ешIэгъухэр мэлылъфэгъум и 27-м клубхэм яIэщтых. «Зэкъошны­гъэр» Ростов-на-Дону щыдешIэщт СКА-м.