«Луч-2» Москва – «АГУ-Адыиф-2» Мыекъуапэ – 27:27 (15:11). Мэлылъфэгъум и 9-м Москва щызэдешIагъэх.

«Адыиф-2»: къэлъэпчъэIутхэр: Пивнева, Скнарь; къэлапчъэм Iэгуаор дэзыдзагъэхэр: Никулина – 8, С. Морозова – 3, А. Морозова – 1, Логвиненко – 2, Куцевалова – 5, Казиханова – 1, Коваленко – 3, Казанджян – 4.

ЕшIэгъур гандбол командэхэм аухынкIэ такъикъи 10 къэнагъэу пчъагъэр – 25:23-рэ. Ащ ыуж: 25:25, къэнагъэр такъикъи 6. Пчъагъэр зэрэлъыкIотагъэр: 25:26, 26:26, 27:26-рэ. Я 59-рэ такъикъым Ангелина Куцеваловам тазырыр ыгъэцакIи, хъагъэм Iэгуаор ридзагъ: 27:27-рэ. «Луч-2-р» ыпэкIэ къилъыгъ, тикъэлапчъэ благъэу къекIугъ, ау хъагъэм Iэгуаор ридзэн ылъэкIыгъэп.

ЯтIонэрэ зэIукIэгъур

«Луч-2» — «Адыиф-2» — 21:28 (11:15). Мэлылъфэгъум и 10-м Москва щызэIукIагъэх.

«Адыиф-2»: къэлэпчъэIутхэр: Пивнева, Скнарь; ешIакIохэр: Никулина – 7, С. Морозова – 1, Логвиненко – 4, Куцевалова – 12, Коваленко – 1, Казанджян – 2, Гильфанова – 1.

«Адыиф-2-р» бэрэ ыпэкIэ илъы­зэ, къэлапчъэм Iэгуаор дидзэным фэшI шIыкIэшIухэр къыгъотыщтыгъ. Ангелина Куцеваловам, Дарья Никулинам, нэмыкI­хэм зэнэкъокъум щысэшIу къы­щагъэлъэгъуагъ.

Апшъэрэ купым хэт гандбол клубхэу я 9 – 18-рэ чIыпIэхэм афэбанэхэрэр чIыпIэу зыдэщытхэр, очко пчъагъэу яIэр зэтэ­гъапшэх.

Шъузэпяплъ

1. «АГУ-Адыиф-2» — 44 2. «Ставрополье-СУОР» — 33 3. «Олимп» — 29 4. «Ростов-Дон-3» — 27 5. «Динамо-3» — 26 6. «Кубань-3» — 24 7. «Звезда-УОР» — 24 8. ЦСКА-3 – 20 9. «Луч-2» — 20 10. СШ N 13-Алиса – 17.

Гандбол клубэу «Адыиф-2-р» мэлылъфэгъум и 24 – 25-м «СШ N 13-Алисэм», и 27 — 28-м «Олимпым» адешIэщт. ЗэIукIэгъу­хэр къалэхэу Уфа ыкIи Тольятти ащыкIощтых.