Сятэш лъапIэу КIэсэбэжъ Аслъан мэлылъфэгъум и 1-м 1974-рэ илъэсым къэхъугъ. Мэлылъфэгъум и 14-м 2020-рэ илъэсым идунай ыхъожьыгъ. Псаоу мы дунаим тетыгъэмэ, ыныбжь илъэс 47-рэ хъущтыгъэ. Зи арыхэп, мэкIэ дэд къыгъэшIагъэр. ШIум, дэхагъэм язехьакIоу тетыгъ ар дунаим. Гъатхэр зэрэдахэм фэдагъ ищыIэныгъи.
Ау гухэкIышху къытэхъулIагъэр… СиусэхэмкIэ сыгу сэгъэIасэ…
КIэсэбэжъ Хьазрэт
Сятэш лъапIэу, врач хирург-онкологэу
КIэсэбэжъ Аслъан фэгъэхьыгъ
Хэт ышIагъ хъущтыр?
ЦIыфхэм уахэтыгъ, агу къэпIэтэу,
Япсауныгъэ афэбгъэпытэу.
ШIуагъэу къэпхьыгъэм иIэп о гъунэ,
Хэтми гуIагъэм ептыщтыгъ гугъэр.
ГукIэгъуныгъэм цIыф хэуныгъэп,
Гулъытэ иныр уигъусагъ ренэу.
ЦIыфыгъэ шапхъэр чIыгум щызепхьагъ.
Джар уищыIакIэу уплъагъ уапэкIэ.
А уиIэзакIэ щыгъозагъ зэкIэ, —
Уз хьылъэ зиIэм о удэгуIагъ.
Бэ бгъэрэзагъэр, цIыфмэ гупсагъэр
О къыпхагъуатэу, агу къэпIэтэу
ГъашIэм ухэтыгъ.
Хэт ышIагъ хъущтыр?
УигъашIэ кIэкIми, агу уилъ о зэкIэм.
Гум зиукIыжьми, укъытхэтыжьэп.
БгъэшIагъэр макIэ, ау уищыIакIэ
ШIукIэ ушъагъэу зэрэдэхагъэр!
Сыдэу гухэкIа. УигъашIэ кIэкIы.
ГущыIэ тIэкIур нэпс хъугъэу мэткIу,
Ухэтэу пкIыхьапIэм укъехьэ гу IапIэм.