Быбырэ бзыухэр, бзыухэр, Бжыхьэ къихьагъум кощырэ бзыухэр, Сыд пай зымафэ лъэшэу шъугуIэзэ, Къыблэ лъэныкъом шъубыбыщтыгъа шъо? А шъуигуIакIэ сыгу ыгъэузи, Сынэшхъэеу мы мэфэ реным Къыблэ лъэныкъом бэрэ сыкъаплъи сэ. Жъыу: Быбырэ бзыухэр, бзыухэр, Бжыхьэрэ кощырэ бзыухэр… Быбырэ бзыухэр, бзыухэр, Бжыхьэ къихьагъум кощырэ бзыухэр, Сянэм ычIыпIэшъ сичIыгу гупсэр Слъэгъу сшIоигъуи къыблэ лъэныкъор сэ, СищыIэныгъэ изыпычыгъоу сыщыт Мы чIыпIэм ренэу сепхыгъэу. Сыкъышъулъежьэнэу амал симыIи сэ. Жъыу: Быбырэ бзыухэр, бзыухэр, Бжыхьэ къихьагъум кощырэ бзыухэр, Апэ жьы къабзэ къызыщысщагъэ, Сабый щхы макъэр зыщызгъэIугъэ, Сфэмыхъожьыщтэу сичIыгу гупсэм СыкъышъолъэIу, быбырэ бзыухэр, Сэлам фабэр сфынэжъугъэсыжьи шъо. Зэрамыку Алджэрый