Урысыем икIэлэ­еджа­кIохэм я Спартакиадэ хэ­хьэрэ зэIукIэгъухэр самбэмкIэ Ермэл­хьа­блэ щыкIуагъэх.

Спартакиадэм ия 2-рэ едзыгъо 2001 — 2003-рэ илъэсхэм къэ­хъугъэ кIалэхэр, пшъашъэхэр хэлэжьагъэх.

Адыгэ Республикэм ихэшы­пыкIыгъэ командэ Къыблэ шъо­лъырым изэнэкъокъу ятIонэрэ чIыпIэр къыщыдихыгъ, Краснодар краим апэрэ чIыпIэр фагъэ­шъошагъ.

Республикэм ибэнакIохэм ­медаль 14 къахьыгъ. Гъомлэшк Ан­зор, кг 53-рэ, Тыгъужъ ТIахьир, кг 58-рэ, дышъэр къыдахыгъ. Тренерхэу

Делэкъо Адам, Гъомлэшк Алый, Хьабэхъу Адам, Хьакурынэ Дамир апэрэ чIыпIэ­хэр къэзыхьыгъэхэ нарт шъаохэр агъасэх.

Хьакъуй Анзор, кг 64-рэ, Хьа­къуй Амир, кг 71-рэ, Къэлэкъу­тэкъо Азэмат, кг 98-рэ, тыжьыныр къахьыгъ.

Алэлэ Азэмат, кг 79-рэ, ТIэшъу СултIан, кг 88-рэ, Пщыдатэкъо Сэлым, кг 88-м къехъу, Александра Клочковам, кг 47-рэ, Вероника Веслопо­ловам, кг 50, Шъаукъо Еленэ, кг 59-рэ, Брыцо Бэллэ, кг 65-рэ, Мыгу Миланэ, кг 72-рэ, Хъо­рэлI Нинэ, кг 80, джэрзыр къыдахыгъ.

Я 2 — 3-рэ чIыпIэхэр къэзыхьыгъэхэр тренерхэу А. Делэ­къом, А. Гъомлэшкым, Н. Джа­рымэ­къом, Р. Джарымэкъом,

С. Мэрэ­тыкъом, А. НэIэтыжьым, Б. Нэ­псэум, А. Теуцожьым, С. Ме­рэмым, С. Хъыщтым агъасэх.

Апэрэ чIыпIэхэр къыдэзыхыгъэхэ Гъомлэшк Анзор, Тыгъужъ ТIахьир Урысыем икIэух Спар­такиадэу гъэмафэм Казань щыкIонэу щытым хэлэжьэнхэу фитыныгъэ яIэ хъугъэ.