Урысыем футболымкIэ ихэшыпыкIыгъэ командэ щешIэзэ, къэлапчъэм Iэгуаор анахьыбэрэ дэзыдзагъэр Александр Кержаковыр ары.

Александр Кержаковыр «Зенит» Санкт-Петербург илъэсыбэрэ щешIагъ. «Динамо» Москва, Испанием икомандэ, нэмыкIхэм ахэтыгъ. Гъогогъу 30 къэлапчъэм Iэгуаор дидзагъ, джырэ уахътэ тренерэу Iоф ешIэ.

Артем Дзюбэ хэгъэгум ихэшыпыкIыгъэ футбол командэ хэтэу къэлапчъэм Iэгуаор 29-рэ дидзагъ. «Спартак», «Арсенал», нэмыкIхэм ащешIагъ. Аужрэ илъэсхэм «Зенит» хэт, Урысыем ихэшыпыкIыгъэ командэ икапитан.

Владимир Бесчастных «Спартак», «Кубань», фэшъхьафхэм ащешIагъ, къэлапчъэм Iэгуаор 26-рэ дидзагъ, джырэ уахътэ тренер.

Артем Дзюбэ Словением икомандэ икъэлапчъэ Iэгуаор 2 дидзагъ. А. Кержаковым бэкIэ ыпэ ишъын зылъэкIыщтмэ А. Дзюбэ ащыщ.