Олимпиадэ джэгунхэмкIэ Урысыем ихэшыпыкIыгъэ командэ Елизавета Ошурковар аштагъ.

Адыгэ Республикэм кушъхьэфэчъэ спортымкIэ иеджапIэ Елизавета Ошурковам зыщегъасэ, республикэм изаслуженнэ тренерэу Алексей Войновыр ипащэу иIэпэIэсэныгъэ хегъахъо.

Е. Ошурковам Урысыем изэнэкъокъу дышъэр къыщихьыгъ, дунэе зэIукIэгъухэм хагъэунэфыкIырэ чIыпIэхэр къащыдихыгъ. «Мы мафэм Урысыем ихэшыпыкIыгъэ командэ хэтэу Тыркуем Елизаветэ щыI», — къытиIуагъ Адыгэ Республикэм кушъхьэфэчъэ спортымкIэ и Федерацие ипащэу Анатолий Лелюк.

— УплъэкIун зэIукIэгъухэм сахэлажьэ, — къыIопщыгъ Елизавета Ошурковам. — Дунэе зэнэкъокъу зэфэшъхьафхэр тиIэщтых. Сурэтым итыр: Елизавета Ошуркова.