Пандемием ыпкъ къикIыкIэ культурэм иучреждениехэм Iофтхьабзэхэр ащызэхащэщтыгъэхэп. Джы ахэм яIофшIэн рагъэжьэжьы.

Гъэтхапэм и 14-м сыхьатыр 11-м «Поэма и рапсодия» зыфиIорэ концертыр зыныбжь хэкIотагъэхэм ыкIи кIэлэцIыкIухэм апае АР-м и Къэралыгъо симфоническэ оркестрэ къытыщт.

Дирижерыр — Адыгэ Республикэм изаслуженнэ артистэу Аркадий Хуснияров. Зезыщэрэр — лектор-искусствоведэу Хьакъуй Зарем. Оркестрэм ихудожественнэ пащэр — Урысыем, Къэбэртэе-Бэлъкъар Республикэм язаслуженнэ артистэу Темыркъэнэ Петр.

— Академическэ музыкэм стиль ыкIи жанр зэфэшъхьафхэр иIэх. Мы концертым симфоническэ поэмэмрэ рапсодиемрэ хэтыщтых. Произведениехэу «Влтава», «Адыгея», Ф. Лист ивенгерскэ рапсодиеу N 2-р, Нэхэе Аслъан и Нарт рапсодие, Дж. Энеску ирумынскэ рапсодие программэм хэхьэх, — къы­щаIуагъ Адыгэ Республикэм культурэмкIэ и Министерствэ ипресс-къулыкъу.

Абрэдж Сэтэнай.