«Барс-РГЭУ» Ростов-на-Дону – «Динамо-МГТУ» Мыекъуапэ – 77:71 (15:16, 19:21, 25:12, 18:22). Мэзаем и 21-м Ростов-на-Дону щызэдешIагъэх.

«Динамо-МГТУ»: Чичайкиныр — 3, Сусловыр — 2, Александровыр — 10, Гапошиныр — 14, Милютиныр — 6, Ереминыр — 4, Князевыр — 22, Кочневыр — 10.

Урысыем баскетболымкIэ изэнэкъокъу хэлэжьэрэ командэхэу суперлигэм ия 2-рэ куп хэтхэм япэшIорыгъэшъ ешIэгъу­хэр мэзаем и 28-м аухыщтых.

«Барс-РГЭУ-р» зэкIэми ауж къинэу уахътэ къыхэкIыгъ. Командэм иешIакIэ зэхъокIыныгъэ­хэр фишIыгъэх, зэIукIэгъухэм текIоныгъэр къащыдихэу ригъэ­жьагъ. «Барс-РГЭУ-р» «Динамо» Ставрополь дэгъоу дешIагъ, зэIукIэгъур къышIуихьыгъ. Рос­тов-на-Дону икомандэ хэтхэм ягуетыныгъэ зыкъиIэтыгъэу «Динамо-МГТУ-м» дешIагъ.

«Динамо-МГТУ-р» Барнаул быбын ылъэкIыгъэп, Ростов— на-Дону кIоным фэшI къиныгъо­хэр зэпичыгъэх.

— Лъэшэу къызэресыгъэм шIуагъэ къытфихьыгъэп, аэрофлотым иIофыгъохэр къыгъэ­хьылъагъэх, — къытиIуагъ «Динамо-МГТУ-м» итренер шъхьаIэу Синельниковым. Я 4-рэ чIыпIэм тыфэбанэщтыгъ, ау Барнаул тыкIуагъэп, «Барсым» тшIуи­хьыгъ. Къэнагъэр «Динамо» Ставрополь тапэ итымыгъэшъэу я 5-рэ чIыпIэр къыдэтхынышъ, зэнэкъокъум тыщылъыкIотэныр ары.

Зичэзыу ешIэгъу

«Барнаул» Барнаул — «Динамо» Ставрополь — 101:77. Мэзаем и 21-м Барнаул щызэIукIагъэх.

Хэт тыдэ щыIа?

1. «Тамбов» — 34 2. «Барнаул» — 34 3. «Чебоксарские Ястребы» — 32 4. «Металлург» — 32 5. «Динамо-МГТУ» — 29 6. «Динамо» Ст – 28 7. «ЧелБаскет» — 27 8. «Барс-РГЭУ» — 26 9. «Русичи» — 25 10. «Нефтехимик» — 24 11. «МицуБаскет» — 23. КIэух зэIукIэгъухэр «Тамбов» — «МицуБаскет». «Барнаул» — «Барс-РГЭУ». «Динамо-МГТУ» — «Динамо» Ст.

Мэзаем и 28-м командэхэр зэдешIэщтых. ХагъэунэфыкIырэ чIыпIэхэм афэбэнэщтхэр, финалыр зыщыкIощт къалэхэр нафэ хъущтых.