«Ростов-Дон» Ростов-на-Дону – «Ференцварош» Венгрия — 26:24 (12:12). Мэзаем и 13-м зэдешIагъэх. Европэм ихэгъэгухэм гандболымкIэ ячемпионхэм якуп щыкIорэ пэшIорыгъэшъ зэнэкъокъум «Ростов-Доныр» щыIукIагъ «Ференцварошым». КIэух зэIукIэгъум «Ростов-Доным» текIоныгъэр къызэрэщыдихыгъэм ишIуагъэкIэ купэу «А-м» апэрэ чIыпIэр къыщи­хьыгъ, финалым и 1/4-м хэхьагъ. Къэлапчъэм Iэгуаор анахьыбэрэ дэзыдзагъэхэр: Юлия Манагарова – 7, Ксения Макеева – 6, Анна Сень – 4, Владлена Бобровникова – 3, Грас Заади – 3. Мыекъуапэ щыщэу Виктория Калининар дэгъу дэдэу ешIагъ, ар къэлэпчъэIут. Командэр лъэ­шэу къыфэраз. Гъэтхапэм и 6-м финалым и 1/4-м хэхьагъэхэм зэIукIэгъухэр рагъажьэх. «Ростов-Доныр» Хорватием икомандэу «Подравкэм» IукIэщт.