Урысые Федерацием иныбжьыкIэхэм самбэмкIэ язэнэкъокъу къалэу Ханты-Мансийскэ щыкIуагъ.Адыгэ Республикэм самбэмкIэ испорт еджапIэ зыщызыгъасэхэу илъэс 20-м нэсыхэрэр зэIукIэгъухэм ахэлэжьагъэх. Тыгъужъ ТIахьир, кг 58-рэ къэзыщэчыхэрэм ябэныгъ. Купэу зыхэтым ящэнэрэ чIыпIэр къыщыдихи, джэрзыр къыфагъэшъошагъ. ИкIэлэцIыкIугъом Теуцожь районым Тыгъужъ ТIахьирэ зыщигъэсагъ, тренерыр Хьабэхъу Адам. Джырэ уахътэ Адыгэ Республикэм изаслуженнэ тренерэу Хьакурынэ Дамир ипащэу иIэпэIэсэныгъэ хегъахъо.