«АГУ-Адыиф-2» Мыекъуапэ – «Динамо-3» Волгоград – 27:23 (16:16). Мэзаем и 10-м АР-м испорт Унэшхоу «Ошъутенэм» щызэдешIагъэх.«АГУ-Адыиф-2»: къэлэпчъэIутхэр: Пигнева, Толмачева; ешIакIохэр: Никулина — 9, Коваленко — 6, Суворова — 4, Казанджян — 4, Къэбж — 2, Цепова — 2. Гандбол командэхэу апшъэрэ купым хэтхэр Урысыем щызэнэкъокъугъэх. Къыблэ шъолъы­рым иныбжьыкIэхэр зэдешIэхэзэ, яIэпэIэсэныгъэ хагъахъо. «Адыиф-2-м» анахь дэгъоу щешIэхэрэм ащыщых Дарина Никулинар, Виктория Воваленкэр. ЗэIукIэгъу пэпчъ дэгъоу зыфагъэ­хьазыры, къэлапчъэм Iэгуаор бэрэ дадзэ. Къэбж Заремэ, Ксения Суворовам, Алина Казанджян, нэ­мыкIхэм тагъэгушIо. «Адыиф-2-м» итренер шъхьаIэу, Урысыем изаслуженнэ тренерэу Александр Реввэ къызэрэтиIуагъэу, урысхэр, адыгэхэр, ермэлхэр, фэшъхьафхэри зэгъусэхэу гандбол ешIэх, текIоныгъэм фэбанэх. «Адыиф-2-р» «Динамо-3-м» зыIокIэм, Волгоград иешIакIохэм текIоныгъэр ахьын ямурадэу бэрэ апэкIэ къилъыгъэх. Апэрэ едзыгъор 16:16-у аухыгъ. ХьакIэхэм гугъэр чIамынэщтыгъэми, зэIукIэгъур ахьын алъэкIыгъэп. И. Ка­верэ тикъэлапчъэ гъогогъуи 6 Iэгуаор къыдидзагъ. ЕшIэгъум икIэух «Адыиф-2-р» нахь гъэшIэгъонэу текIоныгъэм фэбэнагъ, Iэгуаор хъагъэм заулэрэ ридзагъ. ЯтIонэрэ ешIэгъур «АГУ-Адыиф-2» — «Динамо-3» — 23:17. Мэзаем и 11-м Мыекъуапэ щызэдешIагъэх. Типшъашъэхэм текIоныгъэр къыдахи, тагъэгушIуагъ. Апэ итхэм ащыщ мыхъущтхэми, яIэпэIэ­сэныгъэ зэрэхагъахъорэр къыхэтэгъэщы. «Динамо-2-м», нэмыкI командэхэм «АГУ-Адыиф-2-р» аIукIэщт. ЧIыпIэхэр зэтэгъапшэх 1. «Ростов-Дон-2» — 54 2. «Кубань-2» — 50 3. «Астраханочка» — 48 4. «Динамо-2» — 47 5. «АГУ-Адыиф-2» — 24 6. «Ростов-Дон-3» — 16 7. «Динамо-3» — 13 8. «Ставрополье-СУОР» — 11 9. «Кубань-3» — 9.