ИшIэжь агъэлъэпIэщт
Мэзаем и 13-м Мыекъуапэ «Театр у трех дорог» зыфиIорэм Гафт Валентин Иосиф ыкъом ишIэжь фэгъэхьыгъэ пчыхьэзэхахьэ щыкIощт. Тиреспубликэ щыщэу, пстэуми зэлъашIэрэ актерэу Бэгъ Саид итворчествэ фэгъэхьыгъэ зэхахьэм къыдыхэлъытагъэу ар рекIокIыщт. «Валентин Гафт. Призвание — актер» — джары Iофтхьабзэм зэреджагъэхэр.
— МэзитIу хъущт актер цIэрыIор дунаим зехыжьыгъэр. Ар тщыгъупшагъэп ыкIи тыгу илъ зэпыт. Сэ Iоф дэсшIагъ, тызэныбджэгъугъ. Ащ къыхэкIэу къэсIотэжьынэу сиIэр бэ. Пчыхьэзэхахьэм Валентин Гафт иIофшIагъэхэм тяплъыжьыщт, иусэхэм тядэIущт.
Сэри сигукъэкIыжьхэмкIэ Iофтхьабзэм къекIуалIэхэрэм садэгощэщт. Тэщ пае пчыхьэзэхахьэр зэхэтэщэ, ау тиныбджэгъухэри къетэгъэблагъэх, — къыIуагъ Бэгъ Саид.
Абрэдж Сэтэнай.