Суперлигэм хэт бзылъфыгъэ гандбол командэхэм язичэзыу ешIэгъухэм гумэкIыгъуабэ къытфахьыгъ.

ЗэIукIэгъухэр

«Университет» Ижевск — «Ставрополье» Ставрополь — 32:29 (15:17), «Луч» Москва — «Динамо-Синара» Волгоград — 21:25 (10:13).

Мыекъопэ гандбол клубэу «Адыифыр» я 7 — 8-рэ чIыпIэхэм афэбанэщтыгъ шъхьае, ыуж къинэщтыгъэхэр лъэкIуатэх. «Ставропольем» тыщыгугъыгъ, ау зэIукIэгъур Ижевскэ къыщихьыгъэп. Апэрэ едзыгъом 17:15-у щытекIуагъэми, зэIукIэгъур «Университетым» ыхьыгъ. «Ставропольем» ебгъапшэмэ, «Университетым» хъагъэм Iэгуаор ятIонэрэ едзыгъом нахьыбэрэ ридзагъ.

«Динамэр» Москва зыщешIэм, «Лучым» текIуагъ. Ащ фэдэ кIэухыр «Адыифым» ифедэп. Адыгеим игандбол клуб Волгоград, Уфа ащешIэщт. ЗэIукIэгъухэр зышIуа­хьыкIэ, я 11-рэ чIыпIэм нэс къызэкIэ­кIощт.

Зэтэгъапшэх

1. «Ростов-Дон» — 30 2. «Лада» — 28 3. ЦСКА – 26 4. «Звезда» — 26 5. «Астраханочка» — 24 6. «Кубань» — 20 7. «Ставрополье» — 12 8. «Университет» — 12 9. «АГУ-Адыиф» — 6 10. «Динамо» — 6 11. «Уфа» — 4 12. «Луч» — 4.

Мэзаем и 10-м «Адыифыр» Астрахань, и 12-м Волгоград ащешIэщт. Волгоград щыкIощт зэIукIэгъур «Адыифым» ушэтын къин фэхъущт.