Урысыем футболымкIэ иапшъэрэ куп хэт командэхэм 2020 — 2021-рэ илъэс ешIэгъур мэзаем и 27-м рагъэжьэжьыщт.

Хэгъэгум изэнэкъокъу зыфагъэхьазырзэ, уплъэкIун зэIукIэгъухэр командэхэм зэхащэх.

ЕшIэгъухэр

«Спартак» — «Шахтер» Беларусь — 2:1, «Арсенал» — «Вележ» Босниер ыкIи Герцоговинэр — 3:3, «Химки» — «Чайка» — 2:0, «Локомотив» — «Эстерсун» Швециер — 4:0, «Динамо» — «Рубин» — 3:2. Аужырэ та­къикъым Н. Комличенкэм ящэ­нэрэ Iэгуаор хъагъэм дидзагъ. «Спартак» — «Рига» Латвиер — 4:0.

Адыгэхэм ятарихъ къалэу Шъачэ икомандэ Тыркуем зыщегъэхьазыры. УплъэкIун зэIукIэ­гъухэр мы мафэхэм иIэщтых. «Ахмат» Грозный, Москва икомандэхэм, нэмыкIхэм адешIэщт.

«Краснодар» итренер шъхьаIэу Мурад Мусаевым къызэриIуагъэу, Европэм и Кубок фэгъэ­хьыгъэ зэIукIэгъур «Динамо» Загреб дыриIэщт. Зэнэкъокъур мэзаем и 18-м Краснодар щыкIощт. ЯтIонэрэ ешIэгъур мэзаем и 25-м Загреб щызэхащэщт. ТекIоныгъэр къыдэзыхырэр финалым и 1/8-м хэхьащт.

Испанием, Тыркуем, фэшъхьаф къэралхэм тикомандэхэр ащешIэхэзэ, Урысыем изэнэ­къокъу зыфагъэхьазыры.