«Кубань-3-ДЮСШ» Краснодар – «АГУ-Адыиф-2» Мыекъуапэ – 21:24 (13:11). Щылэ мазэм и 30-м Краснодар щызэдешIагъэх. «АГУ-Адыиф-2-м» къыхэщыгъэхэр: Никулина – 6, Суворова – 5, Казанджян – 4.

ЗэIукIэгъур заублэм, Краснодар иешIакIохэр бэрэ апэкIэ илъыщтыгъэх, хъагъэм Iэгуаор радзэщтыгъ. Апэрэ едзыгъор «Кубань-3-ДЮСШ-м» 13:11-у ыхьыгъ. В. Сучковар, П. Саловар къэлапчъэм Iэгуаор дадзэзэ, ягъусэхэм къахэщыщтыгъэх.

ЯтIонэрэ едзыгъом «АГУ-Адыиф-2-м» иешIакIэ зэхъокIыны­гъэхэр фишIыгъэх, ухъумэн Iофыгъохэр нахь дэгъоу ыгъэцэкIагъэх.

Д. Никулинар, К. Суворовар, З. Къэбжыр, нэмыкIхэри дэгъоу ешIагъэх. Тигандбол командэ 24:21-у зэIукIэгъур къыхьыгъ.

ЯтIонэрэ зэIукIэгъур

«Кубань-2-ДЮСШ» — «АГУ-Адыиф-2» — 23:33 (11:16).

Щылэ мазэм и 31-м зэIукIагъэх.

«АГУ-Адыиф-2-м» къы­хэщыгъэхэр: Никулина — 10, Казанджян —8, Къэбж — 6, Суворова —5, Цепова — 2.

ЩысэшIу къагъэлъагъозэ, Дарина Никулинам, Алина Казанджян, Къэбж Заремэ, фэшъхьафхэм Краснодар икомандэ икъэлапчъэ Iэгуаор дадзэщтыгъ. Ухъумэн Iофыгъохэри тиешIа­кIохэм дэгъоу агъэцакIэщтыгъэх.

«АГУ-Адыиф-2-м» итренер шъхьаIэу, Урысыем изаслуженнэ тренерэу Александр Ревэ къызэрэтиIуагъэу, тиешIакIохэр апэкIэ зилъыхэкIэ къэлапчъэм псынкIэу Iэгуаор зэрэдадзэщтым пылъых, зэгурыIоныгъэ ахэлъ. Дарина Никулинам, Къэбж Заремэ, нэмыкIхэм хэпшIыкIэу яIэпэIэсэныгъэ хагъахъо.

Анахь дэгъоу ешIэхэрэм ащыщ­хэу Юлия Кожубековар, Ангелина Куцеваловар, Диана Казихановар, нэмыкIхэри суперлигэм хэт «Адыифым» аштагъэх, хэгъэ­гум изэнэкъокъу хэлажьэх.

ЧIыпIэхэм шъузэпяплъ

1. «Ростов-Дон-2» — 52 2. «Динамо-2» В — 43 3. «Астраханочка-2» — 42 4. «Кубань-2-ДЮСШ» — 42 5. «АГУ-Адыиф-2» — 20 6. «Ростов-Дон-3» — 16 7. «Динамо-3» В — 13 8. «Ставрополье-СУОР» — 13 9. «Кубань-3-ДЮСШ» — 7. «Адыиф-2-м» изичэзыу ешIэгъухэр Краснодар щыкIуагъэх. «Кубань-2-ДЮСШ-м» гъогогъуитIо IукIагъ.