«Нефтехимик» Тобольск — «Динамо-МГТУ» Мыекъуапэ — 78:83 (17:23, 24:21, 23:21, 14:18). Щылэ мазэм и 30-м Тобольскэ щызэдешIагъэх.

«Динамо-МГТУ»: Чичайкин — 12, Суслов — 1, Александров — 16, Гапошин — 12, Милютин — 7, Еремин — 10, Князев — 14, Кочнев — 11.

Хэгъэгум баскетболымкIэ изэнэкъокъоу суперлигэм ия 2-рэ куп щыкIорэм Мые-къопэ «Динамо-МГТУ-м» ешIэкIэ дэгъу къы­щегъэлъагъо.

ЗэIукIэгъум текIоныгъэр къыщыдэзыхыщтыр язэрэмыгъашIэу Тобольскэ щызэнэ­къокъугъэх. Едзыгъуи 3-р заухым, 65:64-у «Динамо-МГТУ-м» къыхьыщтыгъ. КIэух я 4-рэ едзыгъом Адыгеим иешIакIохэр ухъу­мэн Iофыгъохэр цыхьэшIэгъоу агъэцакIэ-хэзэ, апэкIэ илъыщтыгъэх.

Баскетболым хэгъозагъэхэ И. Александ­ровым, А. Гапошиным, М. Князевым, нэ­мыкIхэм тагъэгушIуагъ. Мыекъуапэ щапIугъэ А. Милютиныр, Ю. Кочневыр къы­хэдгъэщыхэ тшIоигъу. Ахэри текIоныгъэм икъы­дэхын фэбэнагъэх. Аужырэ такъикъхэм тиешIакIохэм хъагъэм Iэгуаор радзэзэ, те­кIоныгъэм фэкIуагъэх.

«Динамо-МГТУ-м» зэкIэлъыкIоу зэIукIэгъуи 3 иIагъ. Курскэ, Чебоксары, Тобольскэ ащешIи, текIоныгъи 3 къыдихыгъ. Тикомандэ итренер шъхьаIэу, Адыгэ Республикэм изаслуженнэ тренерэу Андрей Си-нель­никовым ешIакIохэр зэнэкъокъум дэ-гъоу фи­гъэхьазырыгъэх, тыфэраз.

«Нефтехимикым» иешIакIоу Солдатовым очко 20 икомандэ къыфихьыгъ, бысымхэр гуетыныгъэ ахэлъэу ешIагъэх.

Хэт тыдэ щыIа?

1. «Барнаул» — 28 2. «Тамбов» — 27 3. «Металлург» — 27 4. «Динамо-МГТУ» — 25 5. «Чебоксарские Ястребы» — 25 6. «Динамо» Ст – 22 7. «ЧелБаскет» — 22 8. «Русичи» — 21 9. «Нефтехимик» — 19 10. «МицуБаскет» — 18 11. «Барс-РГЭУ» — 18. Мэзаем и 6-м «Динамо-МГТУ-р» «Тамбовым» Мыекъуапэ щыIукIэщт.