«Чебоксарские Ястребы» Чебоксары – «Динамо-МГТУ» Мыекъуапэ – 69:80 (10:16, 16:19, 15:20, 28:25).

Щылэ мазэм и 27-м Чебоксары щызэдешIагъэх.

«Динамо-МГТУ»: Чичайкин — 16, Суслов — 2, Александров — 10, Гапошин — 15, Чаленко — 3, Милютин — 5, Еремин — 6, Князев – 17, Кочнев — 6.

Урысыем изэнэкъокъоу суперлигэм ия 2-рэ куп щыкIорэм хэлэжьэрэ баскетбол командэхэр Чебоксары зыщызэдешIэхэм, зэIукIэгъум икIэух тигъэгушIуагъ. «Динамо-МГТУ-м» едзыгъуи 3-мэ текIоныгъэр къащихьыгъ. Ухъумэн Iофыгъохэр тиешIакIохэм дэгъоу агъэцэкIагъэх. ЗэгурыIоныгъэ ахэлъэу апэкIэ лъыкIуатэхэзэ, хъагъэм Iэгуаор бэрэ радзагъ.

Чебоксары иешIакIохэм П. Кольцовыр, Д. Лисицкэр къахэщыгъэх. Очко 15 ыкIи 14 нэбгыритIумэ рагъэкъугъ.

«Динамо-МГТУ-м» илъэс зэ­нэкъокъум ешIэгъуи 9 къыщи­хьыгъ, 5-р шIуахьыгъ.

ЧIыпIэхэр

1. «Тамбов» — 27 2. «Барнаул» — 26 3. «Металлург» — 25 4. «Динамо-МГТУ» — 23 5. «Челябинские Ястребы» — 23 6. «Динамо» Ст – 21 7. «ЧелБаскет» — 21 8. «Русичи» — 20 9. «Нефтехимик» — 18 10. «Барс-РГЭУ» — 17 11. «МицуБаскет» — 16.

Финалым хэхьащт командитфыр джыри къэшIэгъуае. Клубхэм зэIукIэгъоу яIагъэр зэфэдизэп. «Динамо-МГТУ-р» апэ ишъыщтхэм ащыщ хъущтэу тренер шъхьа­Iэу Андрей Синельниковым елъытэ.

Щылэ мазэм и 30-м «Динамо-МГТУ-р» Тобольскэ щыIу­кIэщт чIыпIэ командэу «Нефтехимикым».